ۆىونگ دين حيۋە پارلامەنتتەر اراسىنداعى ەكىجاقتى قارىم-قاتىناستى تەرەڭدەتۋ جونىندەگى پرەزيدەنت قاسىم-جومارت توقايەۆتىڭ ۇسىنىسىن قولدادى.
مەملەكەت باسشىسى ۆەتنام ۇلتتىق جينالىسىنىڭ ءتوراعاسى ۆىونگ دين حيۋەمەن كەزدەستى، دەپ حابارلايدى Almaty-akshamy.kz
قاسىم-جومارت توقايەۆ ۆەتنام ۇلتتىق جينالىسىنىڭ ءتوراعاسى ۆىونگ دين حيۋەمەن اڭگىمەلەسۋ بارىسىندا قازاقستان ەكى ەل اراسىنداعى جان-جاقتى ىنتىماقتاستىقتى ودان ءارى دامىتۋعا باسا ءمان بەرەتىنىن ايتتى.
پرەزيدەنت ەكىجاقتى كۇن ءتارتىبى اياسىندا ۆەتناممەن پارلامەنتارالىق بايلانىستاردى دامىتۋعا باسا ءمان بەرەتىنىنە نازار اۋدارىپ، زاڭ شىعارۋ ورگاندارى اراسىنداعى ءوزارا ساپار الماسۋ ءىسىن جانداندىرۋدى ۇسىندى.
«ءسىزدىڭ ساپارىڭىز ەلدەرىمىز اراسىنداعى دوستىق قاتىناستاردى نىعايتۋعا دەگەن شىنايى نيەتىڭىزدى بىلدىرەدى. سونداي-اق ساپارىڭىز العا قاراي باسقان ماڭىزدى قادام جانە ۆەتنام مەن قازاقستان اراسىنداعى ءداستۇرلى ءارى كوپجاقتى ىنتىماقتاستىققا تىڭ سەرپىن بەرەدى دەپ ويلايمىن. سونىمەن قاتار ءسىزدىڭ پارلامەنتتە ۇزاق جىل قىزمەت ەتىپ، مول تاجىريبە جيناعانىڭىز ءمالىم. بۇل ءبىزدىڭ زاڭ شىعارۋ ورگاندارى اراسىنداعى ىنتىماقتاستىقتى نىعايتۋ ءۇشىن پايدالى بولادى دەپ سانايمىز»، -دەدى ۇلتتىق جينالىس ءتوراعاسى.