الماتىداعى ياسساۋي كوشەسىندە اسفالت وپىرىلدى: اكىمدىك پىكىر ءبىلدىردى

الماتى اكىمدىگى اۋەزوۆ اۋدانىنداعى ياسساۋي كوشەسىندە بولعان جاعدايعا قاتىستى پىكىر ءبىلدىردى، - دەپ حابارلايدى اqshamnews.kz ءتىلشىسى.

17 قىركۇيەكتە تاڭەرتەڭ ياسساۋي مەن داستان كوشەلەرىنىڭ قيىلىسىندا جول جابىنىنىڭ شامامەن 100 شارشى مەتر اۋماقتاعى بولىگى وپىرىلدى. بۇعان دەيىن "سپەسكوممۋنستروي" مەردىگەر ۇيىمى ۇزىندىعى 2،8 شاقىرىم بولاتىن كارىز جەلىلەرىن سالۋ جۇمىستارىن اتقارعان بولاتىن.

"جۇرگىزىلگەن تەكسەرۋ بارىسىندا نوسەر جاۋىن كەزىندە ابونەنتتىك جەلىلەر ترانشەيالارىنىڭ شايىلۋى جانە توپىراق نەگىزىنىڭ جۇمسارۋى انىقتالدى. سونىڭ سالدارىنان جول جابىندىسىندا ويىق پايدا بولىپ، اسفالت بۇزىلعان. ءقازىر جول توسەمىن قالپىنا كەلتىرۋ جۇمىستارى جۇرگىزىلىپ جاتىر"، - دەلىنگەن حابارلامادا.

جوندەۋ جۇمىستارىن اياقتاۋ مەرزىمى – 18 قىركۇيەك.

بۇل جوبانىڭ تەحنيكالىق قاداعالاۋ قىزمەتى جۇمىستاردىڭ قۇرىلىس نورمالارى مەن ەرەجەلەرى جوبالىق تالاپتارعا سايكەس ورىندالعانىن حابارلادى.

"ءقازىر سەبەپتەردى انىقتاۋ ماقساتىندا قوسىمشا تەكسەرۋ جۇرگىزىلىپ جاتىر. ياسساۋي كوشەسىندەگى اسفالت جابىنىنىڭ ويىلۋ سەبەپتەرىن ناقتىلاۋ ءۇشىن قالالىق قۇرىلىس باقىلاۋ باسقارماسىنا سۇراۋحات جولداندى. سەبەبى توپىراقتىڭ دۇرىس نىعىزدالماۋى ىقتيمال نۇسقا رەتىندە قاراستىرىلىپ وتىر. ونىڭ ناقتى سەبەبى تەكسەرۋ ناتيجەسىندە بەلگىلى بولادى"، - دەدى الماتى اكىمىنىڭ كوممۋنيكاسيا جانە باق-پەن جۇمىس بويىنشا كەڭەسشىسى يلزات اكچۋرين.