مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس، بالالار ءۇيى كوشىرىلمەيدى، - دەپ حابارلايدى اqshamnews.kz ءتىلشىسى.
بۇل تۋرالى پرەزيدەنتىنىڭ كەڭەسشىسى - باسپا ءسوز حاتشىسى رۋسلان جەلدىباي مالىمدەدى.
"باعاناشىل" بالالار ءۇيىنىڭ تاربيەلەنۋشىلەرىن الماتىدان قونايەۆ قالاسىنا كوشىرۋگە بايلانىستى جاعدايمەن تانىسقان قاسىم-جومارت توقايەۆ الماتى اكىمى دارحان ساتىبالدىعا وقۋشىلاردىڭ وڭتۇستىك استانادا ءبىلىم الۋىن جالعاستىرۋ ءۇشىن بالالار ۇيىنە جوندەۋ جۇمىستارىن جۇرگىزۋدى جانە بۇل نىساندى قالانىڭ بالانسىنا الۋدى تاپسىردى"، - دەلىنگەن حابارلامادا.
مەملەكەت باسشىسىنىڭ تاپسىرماسىنا سايكەس، بالالار ءۇيى كوشىرىلمەيدى.
"بۇل جاعدايعا بايلانىستى پرەزيدەنت اكىمشىلىگى قىزمەتتىك تەكسەرىس جۇرگىزەدى. اتا-اناسىنىڭ قامقورلىعىنسىز قالعان بالالاردىڭ زاڭ شەڭبەرىندەگى بارلىق قۇقىعى تولىق ساقتالادى"، - دەلىنگەن حابارلامادا.
بۇعان دەيىن نە بولعان ەدى؟
2025 جىلعى ناۋرىزدا №1 وبلىستىق بالالار ءۇيىنىڭ تاربيەلەنۋشىلەرى ءوز مەكەمەسىنىڭ الماتىدان قونايەۆقا كوشىرىلىپ جاتقانىن ايتىپ شاعىمداندى. قوعام بەلسەندىلەرى الماتىنىڭ ەليتالىق اۋداندارىنىڭ ءبىرى – باعاناشىلداعى قىمبات جەر تەلىمى قۇرىلىس كومپانيالارىنىڭ كوزىنە ءتۇسىپ، ولار تۇرعىن ءۇي كەشەنىن سالعىسى كەلەدى دەپ مالىمدەدى. بالالار ءۇيىنىڭ تاربيەلەنۋشىلەرى قونايەۆتاعى جاڭا عيماراتقا كوشىرمەۋدى سۇراپ، ۆيدەوۇندەۋ جاريالادى.
ەسكە سالايىق، كەشە الماتى وبلىسىنىڭ اكىمدىگى "باعاناشىل" بالالار ۇيىنە قاتىستى پىكىر بىلدىرگەن ەدى.
تاراتىلعان رەسمي مالىمەتكە سايكەس، الماتىداعى "باعاناشىل" بالالار ءۇيى الماتى وبلىسىنىڭ مەنشىگىندە جانە ۇزاق ۋاقىت بويى وبلىستىق قۇرىلىمداردىڭ باسقارۋىندا بولعان. عيمارات اپاتتى دەپ تانىلعانىنا بايلانىستى جەر تەلىمىن الماتى قالاسىنىڭ بالانسىنا بەرۋ تۋرالى شەشىم قابىلدانعان.
"2020 جىلى "بيس پروەكت" ج ش س جاساعان قورىتىندىعا سايكەس، عيماراتقا كۇردەلى جوندەۋ قاجەت بولعان. الايدا ونى قالپىنا كەلتىرۋگە قاراجات بولىنبەدى. 2024 جىلى "استاناقۇرىلىسسەرۆيس" ج ش س جۇرگىزگەن جاڭا تەكسەرىس نىساننىڭ تولىقتاي پايدالانۋ ءۇشىن جارامسىز ەكەنىن راستادى. سونىمەن قاتار، سەيسميكالىق ايماققا قاتىستى قاۋىپتەر دە انىقتالدى"، – دەپ حابارلادى اكىمدىك.
وبلىس اكىمىنىڭ قاۋلىسى مەن ءبىلىم باسقارماسىنىڭ بۇيرىعىنا سايكەس، بالالار ءۇيىنىڭ تاربيەلەنۋشىلەرىن كەزەڭ-كەزەڭىمەن قونايەۆتاعى جاڭا بالالار ۇيىنە كوشىرۋ جوسپارلانىپ وتىر. اكىمدىكتىڭ مالىمەتىنشە، 180 ورىندىق زاماناۋي جاڭا عيمارات جەكە ينۆەستيسيالار ەسەبىنەن سالىنىپ، مەملەكەت مەنشىگىنە بەرىلگەن.
"ول بارلىق نورماتيۆكە ساي جانە بالالاردىڭ تۇرۋىنا، وقۋى مەن دامۋىنا قاجەت جاعدايلارمەن تولىق جابدىقتالعان"، – دەدى اكىمدىك وكىلدەرى.
اكىمدىك وكىلدەرى قابىلدانىپ جاتقان شارالار بالالاردىڭ قاۋىپسىزدىگىنە، ساپالى ءبىلىم الۋىنا جانە قولداۋ كورسەتۋگە باعىتتالعانىن اتاپ ءوتتى.
شەنەۋنىكتەر مالىمەتىنشە، بالالار ءۇيى تۇرعان جەر تەلىمىنە جەكە ينۆەستوردىڭ تۇرعىن ءۇي كەشەنىن سالۋ تۋرالى اقپارات شىندىققا جاناسپايدى.
"بۇل جەر تەلىمى الماتىنىڭ كوممۋنالدىق مەنشىگىنە بەرىلەدى"، – دەلىنگەن حابارلامادا.