قاسىم-جومارت توقايەۆ سۋپەركومپيۋتەردى ىسكە قوسۋ راسىمىنە قاتىستى، - دەپ حابارلايدى aqshamnews.kz اقورداعا سىلتەمە جاساپ.
مەملەكەت باسشىسى Alemcloud ۇلتتىق سۋپەركومپيۋتەر ورتالىعىنا بارىپ، NVIDIA H200 گرافيكالىق پروسەسسورلارى بازاسىندا جاساقتالعان سۋپەركومپيۋتەردى ىسكە قوسۋ راسىمىنە قاتىستى.
جاڭا داتا-ورتالىقتاعى جۇيەنى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى حالىقارالىق سەرىكتەستەرمەن بىرگە ورناتىپ، پايدالانۋعا بەردى.
جاڭا سۋپەركومپيۋتەر كلاستەرى FP8 فورماتىندا ەسەپتەۋ ادىستەمەسى بويىنشا 2 ەكزافلوپسقا دەيىنگى ونىمدىلىكتى قامتاماسىز ەتە الادى. ەسەپتەۋ قۋاتى جاعىنان ورتالىق ازيا وڭىرىندەگى ەڭ ۇزدىگى سانالادى.
قاسىم-جومارت توقايەۆ سۋپەركومپيۋتەردىڭ ىسكە قوسىلۋى ەلىمىزدەگى نەگىزگى سالالاردى سيفرلاندىراتىن ماڭىزدى قادام ەكەنىن اتاپ ءوتتى. بۇل قازاقستاننىڭ سيفرلىق تەحنولوگيالاردى دامىتۋدا ايتارلىقتاي وركەندەۋىنە ىقپال ەتەدى.
سۋپەركومپيۋتەردىڭ ەسەپتەۋ قۋاتىن نەيروجەلى شەشىمدەرىن ازىرلەۋمەن اينالىساتىن ستارتاپتار، ۋنيۆەرسيتەتتەر مەن عىلىمي ورتالىقتار، سونداي-اق مەملەكەتتىك مەكەمەلەر مەن جەكە كومپانيالار پايدالانا الادى.