پرەزيدەنت توقايەۆ "شۆەيساريا – قازاقستان" پارلامەنتتىك دوستىق توبىنىڭ مۇشەلەرىن قابىلدادى، دەپ حابارلايدى Aqshamnews.kz اقوردانىڭ حابارلاماسىنا سىلتەمە جاساپ.
كەزدەسۋ بارىسىندا پرەزيدەنت قازاقستان ەۋروپاداعى ۋاقىت تەزىنەن وتكەن سەنىمدى سەرىكتەسى سانالاتىن شۆەيساريامەن ۇزاق جىلداردان بەرى قالىپتاسقان قارىم-قاتىناسقا ەرەكشە ءمان بەرەتىنىن اتاپ ءوتتى.
"قاسىم-جومارت توقايەۆ 2021 جىلى شۆەيسارياعا جاساعان رەسمي ساپارى ەكى ەل اراسىنداعى سەرىكتەستىكتى نىعايتۋعا بەرىك نەگىز قالاعانىنا نازار اۋداردى. مەملەكەت باسشىسىنىڭ ايتۋىنشا، شۆەيساريالىق دەپۋتاتتار دەلەگاسياسىنىڭ ەلىمىزگە كەلۋى جان-جاقتى ىقپالداستىقتى ودان ءارى دامىتۋعا قوس تاراپتىڭ دا نيەتتى ەكەنىن كورسەتەدى"، - دەلىنگەن حابارلامادا.
بۇل رەتتە ءوزارا تۇسىنىستىكتى نىعايتىپ، ەكىجاقتى ىنتىماقتاستىقتى جانداندىرۋدا پارلامەنتتىك ديپلوماتيانىڭ ماڭىزدى ءرول اتقاراتىنىنا ءمان بەرىلدى.
"شۆەيساريا – قازاقستان" پارلامەنتتىك دوستىق توبىنىڭ ۇيلەستىرۋشىسى فيليپپو لومباردي قوناقجايلىق تانىتقانى ءۇشىن مەملەكەت باسشىسىنا العىس ايتىپ، شۆەيساريانىڭ سەرىكتەستىك بايلانىستاردى كەڭەيتۋگە جانە بىرلەسكەن باستامالاردى جۇزەگە اسىرۋعا مۇددەلى ەكەنىن جەتكىزدى.
كەزدەسۋدە استانا مەن بەرن اراسىنداعى ساۋدا-ينۆەستيسيالىق ىنتىماقتاستىق پەرسپەكتيۆاسى، سونداي-اق حالىقارالىق ۇيىمدار اياسىنداعى ىس-ارەكەتتەردى ءوزارا ۇيلەستىرۋ ماسەلەلەرى تالقىلاندى.