اقمولا وبلىسىندا 45 جاستاعى ەر ادام گيپوتەرميادان قايتىس بولدى، دەپ حابارلايدى Aqshamnews.kz ءتىلشىسى وڭىرلىك تجد باسپا ءسوز قىزمەتىنە سىلتەمە جاساپ.
وقيعانىڭ ءمان-جايى
ق ر تجم جەدەل-قۇتقارۋ جاساعى قايرانكول كولىندە اۆاريالىق-قۇتقارۋ جۇمىستارىن جۇرگىزدى. موتورلى قايىقپەن بالىق اۋلاۋعا شىققان 45 جاستاعى ەر ادام بەلگىسىز سەبەپپەن سۋعا قۇلاپ، وزدىگىنەن جاعاعا جەتە الماعان.
حابار تۇسكەن بويدا قۇتقارۋشىلار وقيعا ورنىنا جەدەل جەتىپ، زارداپ شەككەن ادامدى سۋدان شىعارىپ، جاعاعا جەتكىزدى.
"وعان العاشقى مەديسينالىق كومەك كورسەتىلدى، كەيىن مەديسينا قىزمەتكەرلەرىنە تاپسىرىلدى. الايدا كەيىنگى اقپارات بويىنشا، ەر ادام ۇسىك سالدارىنان كوز جۇمدى"، - دەلىنگەن تجد حابارلاماسىندا.
تجم ەسكەرتۋى
مينيسترلىك سۋ ايدىندارىنا شىعار الدىندا ءجۇزۋ قۇرالدارىنىڭ تەحنيكالىق جاي-كۇيىن مۇقيات تەكسەرۋدى، بايلانىس قۇرالدارىن جانە قۇتقارۋ كەۋدەشەلەرىن وزىڭىزبەن بىرگە الىپ ءجۇرۋدى ەسكە سالادى.