كەزدەسۋگە ەكى ەل دەلەگاسيالارى قاتىستى.
بەلگرادقا رەسمي ساپارى اياسىندا قاسىم-جومارت توقايەۆ الەكساندر ۆۋچيچپەن كەڭەيتىلگەن قۇرامدا كەلىسسوز جۇرگىزدى، دەپ حابارلايدى aqshamnews.kz اقورداعا سىلتەمە جاساپ.
مەملەكەت باسشىسى شاعىن قۇرامدا مازمۇندى كەلىسسوز جۇرگىزگەنى، سونداي-اق قازاقستان تاراپىنا قوناقجايلىق تانىتقانى ءۇشىن الەكساندر ۆۋچيچكە ريزاشىلىق ءبىلدىردى.
سەربيا پرەزيدەنتى الەكساندر ۆۋچيچ ارنايى كەلگەنى ءۇشىن قاسىم-جومارت توقايەۆقا العىس ايتىپ، ەكىجاقتى بايلانىستى ودان ءارى نىعايتۋ تۇرعىسىنان بۇل ساپاردىڭ ستراتەگيالىق ءمانى زور ەكەنىنە توقتالدى. سونىمەن قاتار ايماقتاعى جانە حالىقارالىق ارەناداعى بەيبىتشىلىك پەن تۇراقتىلىقتى نىعايتۋعا نەگىز بولاتىن ءوزارا ءتيىمدى بايلانىستى دامىتۋدىڭ ماڭىزىنا نازار اۋداردى.
كەزدەسۋ بارىسىندا مەملەكەتتەر باسشىلارى ساۋدا-ەكونوميكالىق جانە ينۆەستيسيالىق ىقپالداستىقتى تەرەڭدەتۋ ماسەلەلەرىنە باسا ءمان بەردى.
پرەزيدەنتتەر ەكى ەل اراسىنداعى تاۋار اينالىمى ءوسىمىن جوعارى باعالادى. وسى ورايدا قازىرگى الەمدەگى گەوساياسي جانە ەكونوميكالىق جاعداي ىنتىماقتاستىقتى جانداندىرا ءتۇسۋدى قاجەت ەتەتىنىن اتاپ ءوتتى.