قازاقستاننىڭ 5 وڭىرىندە ءورت بولدى. ءورت بولعان ايماقتارداعى جاعداي تۋرالى ق ر توتەنشە جاعدايلار مينيسترلىگىنىڭ باسپا ءسوز قىزمەتى حابار تاراتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
اقتوبە وبلىسىنىڭ ايتەكە بي اۋدانىندا، ساعات 10:20-دا ت.جۇرگەنوۆ اۋىلىنان 42 كم قاشىقتىقتا قۇرعاق ءشوپ جانىپ، جالىن 500 گەكتار جەردى شارپىدى. ءورت سونداي-اق بيداي القابىنا ءورشىپ، شامامەن 700 گەكتار جەر جانىپ كەتتى. قازىرگى تاڭدا ەگىس القابىنا ءتونىپ تۇرعان ءقاۋىپ جوق. ورتتەن زارداپ شەككەندەر جوق، ءورتتىڭ شىعۋ سەبەبى انىقتالۋدا.
تۇركىستان وبلىسىنىڭ وتىرار اۋدانىندا ساعات 13:40-تا شەڭگەلدى اۋىلىنان 5 كم جەردە، «تۇركىستان-سىرداريا» وڭىرلىك تابيعي پاركىنىڭ تۇركىستان فيليالىنىڭ اۋماعىندا 10 گەكتار اۋماقتا قۇرعاق ءشوپ ورتەندى. ءورت وقشاۋلاندى.
قاراعاندى وبلىسىنىڭ وساكاروۆ اۋدانىندا ساعات 14:19-دا كوللەكتيۆنوە اۋىلىنان 10 كم قاشىقتىقتا قاراعاندى ورمان جانە جانۋارلار الەمىن قورعاۋ شارۋاشىلىعىنىڭ اۋماعىندا شاعىن ورماندار مەن قۇرعاق ءشوپ جانىپ، الدىن الا مالىمەتتەر بويىنشا 60 گەكتار جەر ورتەنگەن.
شىعىس قازاقستان وبلىسىنىڭ التاي اۋدانىندا ساعات 15:12-دە زىريانوۆ ورمان شارۋاشىلىعىنىڭ اۋماعىندا قۇرعاق ءشوپ تۇتانىپ، نوۆو-پولياكوۆ جانە كاتون-قاراعاي اۋداندارىنىڭ تاۋلى ايماقتارىنا جايىلعان. ساعات 21:00-دە ورتەنگەن اۋماقتىڭ كولەمى 167 گەكتار بولدى.
قازىرگى تاڭدا ەلدى مەكەندەرگە ءقاۋىپ ءتونىپ تۇرعان جوق، ءورت ءالى ءسوندىرىلىپ جاتىر.
اقمولا وبلىسىنىڭ زەرەندى اۋدانىندا ساعات 20:38-دە «كوكشەتاۋ» ۇلتتىق پاركىنە قاراستى گريبنوۆ ورمان شارۋاشىلىعىنان ءورت شىقتى. ءورتتىڭ ءبىراز بولىگى، ءسوندىرىلدى، بۇل جۇمىستار ءالى ءجۇرىپ جاتىر.
جەل كۇشەيگەن سايىن ءورتتى ءسوندىرۋ قيىنداي تۇسۋدە، الايدا جاعداي باقىلاۋدا.