مەملەكەت باسشىسى قاسىم-جومارت توقايەۆتىڭ قىزىلوردا وبلىسىنا ساپارى "قورقىت اتا" حالىقارالىق اۋەجايىنىڭ جاڭا تەرمينالىمەن تانىسۋدان باستالدى، - دەپ حابارلايدى aqshamnews.kz ءتىلشىسى.
پرەزيدەنتكە اۋەجاي قىزمەتى، ىشكى جانە حالىقارالىق اۋە رەيستەرىنە قىزمەت كورسەتۋ پروسەسى جونىندە باياندالدى.
مەملەكەت باسشىسىنا جولاۋشىلاردى تىركەۋ جانە تەكسەرۋ ايماقتارى، شەكارالىق-كەدەندىك باقىلاۋ پۋنكتتەرى، كۇتۋ زالى، سونداي-اق اۆتوماتتاندىرىلعان جۇك بەرۋ جۇيەسى كورسەتىلدى.
جاڭا تەرمينال بىلتىر قاراشا ايىندا اشىلعان. جوباعا 16،6 ميلليارد تەڭگە كولەمىندە جەكە ينۆەستيسيا سالىندى.
جەرگىلىكتى بيۋدجەتتەن ينجەنەرلىك-كوممۋنيكاسيالىق ينفراقۇرىلىمىن جۇرگىزۋگە 4،3 ميلليارد تەڭگە ءبولىندى.