جۇلدە جۋرناليستيكا جانە ادەبيەت، سونداي-اق، مادەنيەت پەن ونەر سالالارىندا بەكىتىلمەك.
جۇلدەنىڭ ءبىرى جۋرناليستيكا جانە ادەبيەت سالاسىنا ارنالعان، ەكىنشىسى مادەنيەت پەن ونەر سالالارىنىڭ وكىلدەرىنە بۇيىرۋى مۇمكىن.
«ەلىمىزدەگى كەلىسىم مەن ۇيلەسىمدى نىعايتۋعا ناقتى ۇلەس قوسىپ جۇرگەن ازاماتتاردى جان-جاقتى ىنتالاندىرىپ وتىرۋ كەرەك. قازاقستان حالقى اسسامبلەياسىنىڭ ەكى جۇلدەسىن تاعايىنداۋدى ۇسىنامىن. ءبىرىنشى – جۋرناليستيكا جانە ادەبيەت سالاسىنداعى ۇزدىك جۇمىستار ءۇشىن. ەكىنشىسى – ونەر مەن مادەنيەت سالاسىنداعى ۇزدىك تۋىندىلار ءۇشىن. ەڭ باستىسى، بۇل جۇلدەلەردىڭ جەكەلەگەن اۆتورلار ءۇشىن دە، شىعارماشىلىق ۇيىمدار ءۇشىن دە قولجەتىمدى بولعانى ماڭىزدى»، - دەدى توقايەۆ.
بۇل رەتتە پرەزيدەنت قازاقستان حالقى اسسامبلەياسىنىڭ بەرەتىن بۇل ماراپاتتارىنىڭ قۇنى مەملەكەتتىك سىيلىقتان كەم بولماۋى كەرەك ەكەنىن اتاپ ءوتتى.
«سونىمەن قاتار، اقشالاي سىيلىقتىڭ كولەمى كەمىندە مەملەكەتتىك سىيلىقتىڭ كولەمىنەن كەم بولماۋى كەرەك»، - دەدى توقايەۆ.
سەسسياعا قاتىسۋشىلار قاسىم-جومارت توقايەۆتىڭ بۇل ۇسىنىسىنا بارىنشا قولداۋ تانىتىپ، قوشەمەت كورسەتتى.