وبلىس اكىمىنە ءوڭىردى ودان ءارى دامىتۋعا تاپسىرما بەرىلدى.
مەملەكەت باسشىسى جامبىل وبلىسىنىڭ اكىمى ەربول قاراشوكەيەۆتى قابىلدادى، دەپ حابارلايدى aqshamnews.kz
ەربول قاراشوكەيەۆ:
ءوڭىردىڭ بيىلعى ءبىرىنشى جارتىجىلدىقتاعى الەۋمەتتىك-ەكونوميكالىق دامۋىنىڭ قورىتىندىلارى تۋرالى ەسەپ بەردى؛
وبلىس ەكونوميكاسى قارقىندى ءوسىپ كەلەتىنىن ايتتى:
– قۇرىلىس سالاسىندا 12،3 پايىز، بايلانىستا 8،5 پايىز، كولىك باعىتىندا 7،4 پايىز، اگرارلىق سەكتوردا 4 پايىز ءوسىم بار. تۇرعىن ءۇيدى پايدالانۋعا بەرۋ كورسەتكىشى 2،3 پايىزعا (311 مىڭ شارشى مەتر) ارتقان؛
– نەگىزگى كاپيتالعا 196،3 ميلليارد تەڭگە تارتىلعان. ءوڭىردىڭ 2027 جىلعا دەيىنگى ينۆەستيسيالىق پورتفەلىندە جالپى قۇنى 2،5 تريلليون تەڭگەنى قۇرايتىن 70 جوبا بار. بۇل 6،3 مىڭ جۇمىس ورنىن اشۋعا مۇمكىندىك بەرەدى؛
– جىل سوڭىنا دەيىن 19 جاڭا ءوندىرىس ورنىن ىسكە قوسۋ جوسپارلانىپ وتىر؛
– وبلىس ەكونوميكاسىنداعى وڭدەۋشى ونەركاسىپ سەكتورىنىڭ ۇلەسى 64،5 پايىزعا جەتكەن. بۇل رەتتە شەتەلدىك ءىرى كومپانيالارمەن كەلىسىم اياسىندا جۇزەگە اسىپ جاتقان فوسفور ونەركاسىبىنىڭ ءرولى ايرىقشا؛
– بۇگىندە ايماق شارۋالارى ەگىن جيناۋ ناۋقانىنا كىرىسىپ كەتتى. بولجام بويىنشا بيىل نەگىزگى داقىلداردىڭ جالپى ءتۇسىمى 2،1 ميلليون تونناعا جەتەدى؛
وڭىردەگى الەۋمەتتىك ينفراقۇرىلىمدى دامىتۋ جونىندە باياندادى:
– وبلىستا 26 دەنساۋلىق ساقتاۋ، 41 ءبىلىم بەرۋ مەكەمەسىنىڭ قۇرىلىسى ءجۇرىپ جاتىر؛
– بيىل 452 مەديسينالىق جابدىق پەن 38 سانيتارلىق اۆتوكولىك ساتىپ الۋ جوسپارلانۋدا؛
– جىل سوڭىنا دەيىن 19 مەكتەپ پايدالانۋعا بەرىلەدى. ناتيجەسىندە 2 اپاتتى، 4 ءۇش اۋىسىمدى، 3 توزىعى جەتكەن، سونداي-اق وقۋشى ورنى جەتىسپەيتىن 10 مەكتەپتىڭ ماسەلەسى شەشىلەدى؛
– مەملەكەت باسشىسىنىڭ تاپسىرماسىنا سايكەس وسى جىلدىڭ سوڭىنا دەيىن 37 ەلدى مەكەن ورتالىقتاندىرىلعان اۋىز سۋمەن قامتاماسىز ەتىلەدى؛
– رەسپۋبليكالىق «تازا قازاقستان» ەكولوگيالىق اكسياسى اياسىندا وڭىردەگى تاريحي-مادەني ەسكەرتكىشتەر، ساياباقتار مەن گۇلزارلار، ارنالار مەن ارىقتار تازارتىلىپ، 60 مىڭعا جۋىق كوشەت وتىرعىزىلعان.
پرەزيدەنت وبلىس اكىمىنە ءوڭىردى الەۋمەتتىك-ەكونوميكالىق تۇرعىدان ودان ءارى دامىتۋعا جانە تۇرعىنداردىڭ تابىسىن ارتتىرۋعا باعىتتالعان ءبىرقاتار تاپسىرما بەردى.