بۇل جونىندە پرەزيدەنتتىڭ باسپا ءسوز قىزمەتى مالىمدەدى.
2023 جىلعى 28 قازان كۇنى مەملەكەت باسشىسى قاسىم-جومارت توقايەۆ قاراعاندى وبلىسىنا باردى، دەپ حابارلايدى Almaty-akshamy.kz
پرەزيدەنتتىڭ اپات بولعان قاراعاندى وبلىسىنا ساپارى جونىندەگى اقپارات اقوردانىڭ Telegram ارناسىنداعى پاراقشاسىندا جاريالاندى.
"مەملەكەت باسشىسى قاسىم-جومارت توقايەۆ اپاتتىڭ ءمان-جايىن انىقتاپ، ءتيىستى شەشىم قابىلداۋ ءۇشىن قاراعاندى وبلىسىنداعى قايعىلى وقيعا ورىن العان جەرگە كەلدى"، – دەلىنگەن رەسمي حابارلامادا.
قازاقستان پرەزيدەنتى قاسىم-جومارت توقايەۆ شاحتاداعى ءورت سالدارىنان قازا تاپقان كەنشىلەردىڭ تۋعان-تۋىستارى مەن جاقىندارىنا كوڭىل ايتتى، زارداپ شەككەندەردىڭ تەزىرەك ساۋىعىپ كەتۋىن تىلەدى. ۇكىمەتكە كەنشىلەردىڭ وتباسىلارىنا بارلىق قاجەتتى كومەك كورسەتۋدى تاپسىردى.