دەنساۋلىق ساقتاۋ مينيسترلىگى زارداپ شەككەندەرگە كونسۋلتاسيالىق كومەك كورسەتۋ ءۇشىن قۇرامىندا توكسيكولوگ، تراۆماتولوگ-ورتوپەد جانە نەيروحيرۋرگ بار جوعارى دارەجەلى دارىگەرلەر توبىن قاراعاندىعا جىبەرەدى، دەپ حابارلايدى almaty-akshamy.kz
زارداپ شەككەن كەنشىلەردىڭ ءومىرى مەن دەنساۋلىعىن ساقتاۋ ءۇشىن سالانىڭ ۇزدىك ماماندارىن تارتا وتىرىپ، بارلىق قاجەتتى مەديسينالىق كومەك كورسەتىلەدى.
قازىرگى ۋاقىتتا 18 ادام پروف. ح. ج. ماقاجانوۆ اتىنداعى كوپبەيىندى اۋرۋحاناعا جەتكىزىلدى، ونىڭ 17ء-سى ستاسيونارلىق ەمدەۋگە جاتقىزىلدى، 1 زارداپ شەگۋشى امبۋلاتوريالىق ەمدەلۋدە. جەڭىل جانە ورتاشا اۋىرلىقتاعى ۋلى گازدارمەن ۋلانۋدان زارداپ شەككەن 15 ادام اۋرۋحانانىڭ توكسيكولوگيا بولىمشەسىندە ەمدەلۋدە. ءبىر ادام پوليتراۆمامەن رەانيماسيا جانە قارقىندى تەراپيا بولىمشەسىندە، جاعدايى اۋىر، تۇراقتى، ەسىندە.
جاعدايى ورتاشا اۋىرلىقتاعى تاعى ءبىر زارداپ شەگۋشى تراۆماتولوگيا بولىمشەسىندە مەديسينالىق كومەك الادى.