مىڭ جارىمعا جۋىق ادام راقىمشىلىققا ىلىنەدى.
مەملەكەت باسشىسى قاسىم-جومارت توقايەۆ «راقىمشىلىق جاساۋ تۋرالى» زاڭعا قول قويدى، دەپ حابارلايدى Almaty-akshamy.kz
راقىمشىلىققا قاڭتار وقيعاسىنا قاتىسقاندار ىلىنەدى. امنيستيا جالپى العاندا 1500-دەي ادامدى قامتيدى.
زاڭعا سايكەس، تەرىس قىلىق، اۋىرلىعى تومەن جانە ورتاشا قىلمىس جاساعاندار جازادان تولىق بوساتىلادى. ال جازاسىن وتەپ شىققانداردان سوتتىلىق الىنادى. بۇدان بولەك، اۋىر جانە اسا اۋىر قىلمىستاردى جاساعاندارعا جازا مەرزىمىن قىسقارتۋ كوزدەلگەن. ەگەر سوتتالعان ادامنىڭ جازانى وتەۋ مەرزىمى ءبىر جىلدان از بولسا، وندا ول تولىق بوساتىلادى.
ال تەرروريستەر، ەكسترەميستەر، رەسيديۆيستەر، ادامدى ازاپتاعاندار، تارتىپسىزدىكتەردى ۇيىمداستىرۋشىلار مەن مەملەكەتكە وپاسىزدىق جاساعاندار راقىمشىلىققا ىلىنبەيدى.
ەسكە سالساق، پرەزيدەنت قاسىم-جومارت توقايەۆ 2022 جىلعى 1 قىركۇيەكتە حالىققا ارناعان جولداۋىندا قاڭتار وقيعاسىنا قاتىسۋشىلارعا ءبىر رەتتىك راقىمشىلىق جاريالاۋ تۋرالى شەشىم قابىلداعانىن جاريا ەتكەن بولاتىن.