قازاقستان پرەزيدەنتى قاسىم-جومارت توقايەۆ رەسەيلىك ارىپتەسى ۆلاديمير پۋتينمەن وتكەن كەلىسسوزدەرگە كوڭىلى تولعانىن ءمالىم ەتتى، دەپ حابارلايدى اlmaty-akshamy.kz
«ءبىرىنشى كەزەكتە مەن رەسەي فەدەراسياسىنىڭ پرەزيدەنتىنە ماسكەۋگە رەسمي ساپارمەن ىزەت ءبىلدىرىپ شاقىرعانى ءۇشىن العىس ايتقىم كەلەدى. جاڭا عانا ءبىز ءبىرازعا سوزىلعان كەلىسسوزدەردى اياقتادىق. ول كەلىسسوزدەر كەزىندە قول جەتكىزىلگەن كەلىسىمدەر تۋرالى سىزدەرگە قۇرمەتتى ۆلاديمير ۆلاديميروۆيچ پۋتين مازمۇندى اقپارات بەردى.
شىنىمەن دە كەلىسسوزدەر وتە مازمۇندى بولدى. مەن قىزىقتى بولدى دەپ ايتار ەدىم. مۇمكىندىكتى پايدالانىپ، وسى كەلىسسوزدەردىڭ ءوتۋ بارىسىنا قاناعاتتانعانىمدى بىلدىرگىم كەلەدى»، - دەدى قازاقستان باسشىسى.