رەسەيلىك كومپانيالاردىڭ قازاقستانعا سالعان ينۆەستيسيا كولەمى 17 ملرد دوللاردان استى. بۇل تۋرالى قازاقستان پرەزيدەنتى رەسەيلىك ارىپتەسى ۆلاديمير پۋتينمەن وتكەن كەزدەسۋ قورىتىندىسى بويىنشا بۇقارالىق اقپارات قۇرالدارىنا جاساعان بىرلەسكەن مالىمدەمەسىندە ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«كارانتين شەكتەۋلەرىنە قاراماستان، بىلتىر ءوزارا ساۋدا-ساتتىقتا ەڭ جوعارى ناتيجەلەرگە قول جەتكىزىلدى. ساۋدا كولەمى 21 ملرد دوللاردان استى. رەسەي كومپانيالارى قازاقستان ەكونوميكاسىنداعى جەتەكشى ينۆەستورلاردىڭ بەستىگىنە كىرەدى. ولاردىڭ جالپى سالىمى 17 ملرد دوللاردان استى. رەسەي قازاقستانداعى شەتەلدىك كاپيتالى بار كومپانيالاردىڭ سانى بويىنشا كوشباسشى بولىپ سانالادى.
ءاربىر ءۇشىنشى وسىنداي كومپانيا رەسەيلىك كومپانيالاردىڭ قاتىسۋىمەن قۇرىلعان. ولاردىڭ جالپى ينۆەستيسيالىق پروتفەلى بۇكىل سالالاردا كورىنىس تاپقان. ءبىز وندىرىستىك كووپەراسيانى كەڭەيتۋدىڭ كەلەشەگىن تالقىلادىق. بۇل باعىتتا ءبىزدىڭ ەلدەر 13 ءىرى جوبانى اياقتادى»، - دەدى پرەزيدەنت.