مەملەكەت باسشىسى قاسىم-جومارت توقايەۆ وزبەكستان پرەزيدەنتىنە العىس ايتىپ، حات جولدادى، - دەپ حابارلايدى aqshamnews.kz ءتىلشىسى.
قاسىم-جومارت توقايەۆ شاۆكات ميرزيويەۆكە 14-16 قاراشا كۇندەرى وزبەكستان رەسپۋبليكاسىنا مەملەكەتتىك ساپارى بارىسىندا قازاقستان دەلەگاسياسىنا كورسەتكەن قوناقجايلىعى ءۇشىن ريزاشىلىعىن ءبىلدىردى.
پرەزيدەنت حاتتا ەكى ەلدىڭ ستراتەگيالىق سەرىكتەستىك جانە وداقتاستىق قارىم-قاتىناستارىن نىعايتۋعا تىڭ سەرپىن بەرگەن بۇل ساپاردىڭ تاريحي مانىنە توقتالعان.
قاسىم-جومارت توقايەۆ تاشكەنتتە ۇيىمداستىرىلعان ورتالىق ازيا مەملەكەتتەرى باسشىلارىنىڭ VII كونسۋلتاتيۆتىك كەزدەسۋىنە جوعارى باعا بەردى.
مەملەكەت باسشىسىنىڭ پىكىرىنشە، وڭىرلىك ىقپالداستىقتىڭ بارلىق باعىتى بويىنشا وربىگەن مازمۇندى پىكىرتالاستار، قابىلدانعان ماڭىزدى شەشىمدەر مەن قۇجاتتار، سونداي-اق ديالوگقا ازەربايجاننىڭ تولىق قۇقىلى مۇشە رەتىندە قوسىلۋى فورۋمنىڭ ستراتەگيالىق سيپاتىن ارتتىرا ءتۇستى.