Nur Otan پارتياسىنىڭ كەزەكتەن تىس ءححى سەزىندە ق ر پرەزيدەنتى قاسىم-جومارت توقايەۆ پارتيا ءتوراعاسىنىڭ ءبىرىنشى ورىنباسارى لاۋازىمىن وزگەرتۋدى ۇسىندى، دەپ حابارلايدى اlmaty-akshamy.kz
«پارتيا قۇرىلىمىن قايتا قاراپ جانە وڭتايلاندىرۋ ارقىلى ءوزىنىڭ ۇيىمداستىرۋشىلىق تيىمدىلىگىن ارتتىرۋى كەرەك. پارتيا اپپاراتىن سەرۆيستىك مودەلگە قاراي قۇرۋعا باسىمدىق بەرىلۋى ءتيىس»،- دەدى ق ر پرەزيدەنتى.
مەملەكەت باسشىسى پارتيانىڭ ۇيىمداستىرۋشىلىق قۇرىلىمىن دا قايتا قاراۋ كەرەكتىگىن باسا ايتتى.
«اتاپ ايتقاندا، پارتيا ءتوراعاسىنىڭ ءبىرىنشى ورىنباسارىنىڭ ورنىنا اتقارۋشى حاتشى، سونىمەن قاتار ءتيىستى باعىتتار بويىنشا وزگە دە حاتشىلار پوزيسياسىن قاراستىرۋ كەرەك. پارتيانىڭ جانىنان قۇرىلعان قوعامدىق كەڭەستەر اشىق جانە ناقتى الاڭدارعا اينالۋى، ولاردا ەڭ وتكىر تاقىرىپتار بويىنشا ۇسىنىمدار ازىرلەنۋى ءتيىس. ولار وزەكتى پروبلەمالاردى شەشۋدىڭ ءىس جۇزىندەگى شىنايى تەتىگىنە ترانسفورماسيالانۋى قاجەت»، - دەدى قاسىم-جومارت توقايەۆ.