مەن ەلدى جان-جاقتى جاڭعىرتۋدىڭ اۋقىمدى كۇن ءتارتىبىن العا قويدىم. قازاقستاننىڭ پروگرەسسيۆتى وزگەرىستەرى مەن جاڭارۋىنىڭ ناعىز قوزعالتقىشى بولۋى كەرەك. Nur Otan ونى جۇزەگە اسىرۋعا بەلسەنە ارالاسۋى كەرەك. ءبىراق ول ءۇشىن Nur Otan ءوزىن جاڭارتۋى كەرەك. بۇل كوسمەتيكالىق قالپىنا كەلتىرۋ ەمەس، پارتيانىڭ بۇكىل جۇمىسىن تۇبەگەيلى قايتا قۇرىلىمداۋ قاجەت بولادى، - دەدى ول. 

مەملەكەت باسشىسى قانداي باعىتتارعا نازار اۋدارۋ قاجەتىن ايتتى. 

ءبىز كەلەسى باسىمدىقتارعا نازار اۋدارۋىمىز كەرەك. ءبىرىنشى. قوعامنىڭ بارلىق سىندارلى كۇشتەرىن توپتاستىرۋ، پارتيا قاتارىنداعى ىنتىماقتى نىعايتۋ. ءبىز ءوز قاتارىمىزعا ءتۇرلى قوعامدىق-ساياسي توپتاردىڭ وكىلدەرىن، ءوز ازاماتتارىنىڭ سەنىمىنە يە ناعىز كوشباسشىلاردى بەلسەندىرەك تارتۋىمىز كەرەك. وكىنىشكە قاراي، پارتيادا وندايلاردىڭ از ەكەنىنە كوزىمىز جەتتى. سىن كەزەڭدە پارتيانىڭ بۇكىل وراسان زور كادرلىق الەۋەتى، ونىڭ بارلىق اۋقىمدى ينفراقۇرىلىمى تولىق پايدالانىلمادى. Nur Otan شىن مانىندە ناقتى ىستەردىڭ پارتياسى بولا وتىرىپ، وقيعالاردىڭ بەل ورتاسىندا، ۇدەرىستەردىڭ باسى-قاسىندا بولۋى كەرەك. سىرتتان كەلگەن باقىلاۋشىنىڭ ۇستانىمى ەندى قابىلدانبايدى، - دەدى مەملەكەت باسشىسى.