توقايەۆ مۇناي ونىمدەرىنىڭ باعاسىن رەتتەۋ بويىنشا تاپسىرما بەردى

«قازاقستان حالقىنا» دەپ اتالاتىن قوعامدىق قور قۇرۋ تاپسىرىلدى

مەملەكەت باسشىسى قاسىم-جومارت توقايەۆ ەلىمىزدەگى الەۋمەتتىك-ەكونوميكالىق جاعدايعا قاتىستى كەڭەستە قاسىم-جومارت توقايەۆ الەۋمەتتىك-ەكونوميكالىق احۋالدى تۇراقتاندىرۋ ءۇشىن ءبىرقاتار قوسىمشا تاپسىرما بەردى. بۇل تۋرالى ق ر پرەزيدەنتى ەلىمىزدەگى الەۋمەتتىك-ەكونوميكالىق جاعدايعا قاتىستى كەڭەستە ايتتى، دەپ حابارلايدى Almaty-akshamy.kz.

1. مۇناي ونىمدەرىنىڭ (بەنزين، ديزەل، سۇيىتىلعان گاز) باعاسىنا مەملەكەتتىك رەتتەۋدى 180 كۇنگە ەنگىزۋ؛
2. الەۋمەتتىك ماڭىزى بار ازىق-تۇلىك تاۋارلارىنىڭ باعاسى بويىنشا مەملەكەتتىك رەتتەۋدى ەنگىزۋ. شەشىمدى ناقتى ايماقتاعى الەۋمەتتىك-ەكونوميكالىق جاعدايعا قاراي وڭىرلەردىڭ اكىمدەرى قابىلدايدى؛
3. «جەكە تۇلعالاردىڭ بانكروتتىعى تۋرالى» زاڭدى ازىرلەۋگە كىرىسۋ؛
4. حالىق ءۇشىن 180 كۇنگە كوممۋنالدىق تاريفتەردى كوتەرۋگە موراتوريي ەنگىزۋ قاجەتتىگىن قاراستىرۋ؛
5. حالىقتىڭ الەۋمەتتىك جاعدايى ناشار توپتارى ءۇشىن نارىقتاعى باسپانانى جالعا الۋ قۇنىن سۋبسيديالاۋ ماسەلەسىن قاراستىرۋ؛
7. دەنساۋلىق ساقتاۋ جانە بالالار ماسەلەلەرىن شەشۋ ءۇشىن «قازاقستان حالقىنا» دەپ اتالاتىن قوعامدىق قور قۇرۋ، ونى مەملەكەتتىك جانە جەكە كوزدەر ارقىلى قارجىلاندىرۋ.
جيىن بارىسىندا ىشكى ىستەر ءمينيسترى ەرلان تۇرعىمبايەۆ، ۇقك ءتوراعاسى كارىم ءماسىموۆ، باس پروكۋرور عيزات نۇرداۋلەتوۆ بايانداما جاسادى.