پرەزيدەنت ەلىمىزدەگى الەۋمەتتىك-ەكونوميكالىق جاعدايعا قاتىستى كەڭەستە قازىرگى جاعدايدى تۇراقتاندىرۋعا باعىتتالعان ەڭ الدىمەن اتقارىلاتىن شارالار تۋرالى باياندادى، دەپ حابارلايدى Almaty-akshamy.kz
پرەزيدەنت قازىرگى جاعدايدى تۇراقتاندىرۋعا باعىتتالعان ەڭ الدىمەن اتقارىلاتىن شارالار تۋرالى باياندادى.
«بىرىنشىدەن، مەن ماڭعىستاۋ بويىنشا ۇكىمەتتىك كوميسسيانىڭ ۇسىنعان شارالار كەشەنىن ماقۇلدايمىن. ەكىنشىدەن، مونوپولياعا قارسى ورگانعا كاسىپكەرلىك كودەكستىڭ 119-بابىنا سايكەس سۇيىتىلعان گازدىڭ باعالارىن 180 كۇنگە ۋاقىتشا باعالىق رەتتەۋدى ەنگىزۋدى تاپسىرامىن. وبلىستاردا حالىق ءۇشىن شەكتى باعالار وتكەن جىلدىڭ سوڭىنداعى باعا دەڭگەيىنەن اسپاۋعا ءتيىس. ۇشىنشىدەن، ۇكىمەتكە سۇيىتىلعان گازدى ەلەكتروندىق ساۋدا الاڭدارى مەن بيرجالار ارقىلى وتكىزۋگە تولىق كوشۋدى ءبىر جىلعا شەگەرۋدى تاپسىرامىن. وسى كەزەڭدە نورماتيۆتىك-قۇقىقتىق بازانى مۇقيات ازىرلەپ، ساۋدا الاڭدارى جۇمىسىنىڭ اشىق بولۋىن قامتاماسىز ەتۋ، باعانىڭ كۇرت ءوسۋىن شەكتەۋ تەتىكتەرىن ەنگىزۋ قاجەت. تورتىنشىدەن، باس پروكۋراتۋراعا باسەكەلەستىكتى قورعاۋ اگەنتتىگىمەن بىرلەسىپ، باعالىق ءسوز بايلاسۋ مەن وزگە دە باسەكەلەستىككە قارسى ىس-ارەكەتتەرگە قاتىستى تەرگەۋ جۇرگىزۋدى تاپسىرامىن. تەرگەۋدى جەدەل جۇرگىزىڭىز. جيىرما كۇننىڭ ىشىندە ەسەپ بەرىڭىز»، – دەدى قاسىم-جومارت توقايەۆ.