شاۆكات ميرزيويەۆ اتالعان شارانىڭ وتكىزىلۋ دەڭگەيىن جوعارى باعالادى
مەملەكەت باسشىسى قاسىم-جومارت توقايەۆ وزبەكستان پرەزيدەنتى شاۆكات ميرزيويەۆپەن كەزدەستى، دەپ حابارلايدى Almaty-akshamy.kz.
قاسىم-جومارت توقايەۆ پەن شاۆكات ميرزيويەۆ قازاقستان مەن وزبەكستان اراسىنداعى ستراتەگيالىق سەرىكتەستىكتىڭ قازىرگى جاعدايى مەن دامۋ پەرسپەكتيۆالارىن تالقىلادى، دەلىنگەن اقوردا حابارلاماسىندا.
سونىمەن قاتار تاراپتار ورتالىق ازيا مەملەكەتتەرى باسشىلارىنىڭ جانە ەۋروپالىق كەڭەس پرەزيدەنتى شارل ميشەلدىڭ قاتىسۋىمەن وتكەن كەزدەسۋدىڭ قورىتىندىسى جونىندە پىكىر الماستى. قاسىم-جومارت توقايەۆ جيىنعا قاتىسقانى جانە مازمۇندى ءسوز سويلەگەنى ءۇشىن شاۆكات ميرزيويەۆكە ريزاشىلىعىن ءبىلدىردى.
ءوز كەزەگىندە شاۆكات ميرزيويەۆ اتالعان شارانىڭ وتكىزىلۋ دەڭگەيىن جوعارى باعالاپ، كەزدەسۋدى ۇيىمداستىرعانى ءۇشىن قازاقستان پرەزيدەنتىنە العىس ايتتى. سونداي-اق بۇگىنگى شارادا ايماقتاعى وزەكتى ماسەلەلەر مەن ولاردى شەشۋ جولدارىن تالقىلاۋعا جاقسى مۇمكىندىك بولعانىن اتاپ ءوتتى.
الدىندا اقوردا رەزيدەنسياسىندا قاسىم-جومارت توقايەۆ 26 قازاندا قازاقستانعا رەسمي ساپارمەن كەلگەن ەۋروپالىق كەڭەستىڭ پرەزيدەنتى شارل ميشەلمەن كەلىسسوزدەر وتكىزگەن بولاتىن. سونداي-اق ولار ب ا ق وكىلدەرىنە ارناپ بريفينگ وتكىزدى. ورتالىق ازيا مەملەكەتتەرىنىڭ باسشىلارى بىرلەسكەن مالىمدەمە جاسادى.