جۇمادا ەلىمىزدىڭ ءبىرقاتار وڭىرىندە تۇمان، كوكتايعاق، قاتتى جەل بولادى

جەتىسۋ وبلىسىنىڭ تاۋلى اۋداندارىندا تۇمان تۇسەدى

سينوپتيكتەر 28 قازاندا قازاقستاننىڭ جەتى وبلىسىندا اۋا رايىنىڭ كۇرت وزگەرۋىنە بايلانىستى ەسكەرتۋ جاريالادى، دەپ حابارلايدى Almaty-akshamy.kz.

"قازگيدرومەت" رمك مالىمەتىنشە، باتىس قازاقستان وبلىسىندا وڭتۇستىك-شىعىستان جەل سوعادى، كۇندىز وبلىستىڭ سولتۇستىك-باتىسىندا، وڭتۇستىگىندە سوققان جەلدىڭ ەكپىنى 20 م/س جەتەدى.

28 قازاندا تۇندە جانە تاڭەرتەڭ تۇركىستان وبلىسىنىڭ وڭتۇستىگىندە جانە تاۋلى ايماقتارىندا تۇمان بولادى دەپ بولجانادى. تاۋلى اۋدانداردا شىعىستان سوققان جەلدىڭ ەكپىنى 20 م/س قۇرايدى.

قىزىلوردا وبلىسىندا شىعىستان جەل سوعادى، كۇندىز وبلىس ورتالىعىندا سوققان جەلدىڭ ەكپىنى 15-20 م/س جەتەدى.

28 قازاندا تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە تۇمان تۇسەدى دەپ كۇتىلەدى. كۇندىز باتىستان، تۇندە وبلىستىڭ شىعىسىندا وڭتۇستىك-باتىس. كۇندىز وبلىستىڭ شىعىسىندا سولتۇستىكتەن 15-20 م/س جىلدامدىقپەن جەل سوعادى. 

كۇندىز پەتروپاۆلدا باتىستان، وڭتۇستىك-باتىستان جەل سوعادى، ەكپىنى 15-20 م/س قۇرايدى دەپ بولجانادى.

28 قازاندا تۇندە اباي وبلىسىنىڭ سولتۇستىگىندە، باتىسىندا جانە ورتالىعىندا تۇمان، كوكتايعاق بولادى، بوران سوعادى. وڭتۇستىك-باتىستان سولتۇستىك-باتىسقا قاراي ويىسا جەل سوعادى. تۇندە وبلىستىڭ سولتۇستىگىندە، باتىسىندا، ورتالىعىندا جەلدىڭ ەكپىنى 15-20 م/س جەتەدى.

28 قازاندا تۇندە جانە تاڭەرتەڭ جەتىسۋ وبلىسىنىڭ تاۋلى اۋداندارىندا تۇمان تۇسەدى دەپ كۇتىلەدى. الاكول اۋدانىندا سولتۇستىك-شىعىستان سوققان جەلدىڭ ەكپىنى 17-22 م/س دەيىن جەتەدى.