مەملەكەت باسشىسى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆتى قابىلدادى، - دەپ حابارلايدى اqshamnews.kz ءتىلشىسى.
پرەزيدەنتكە «ەكونوميكانى ىرىقتاندىرۋ جونىندەگى شارالار تۋرالى» جارلىقتى ىسكە اسىرۋ ماقساتىندا اتقارىلعان جۇمىس ناتيجەسى باياندالدى.
مارات وماروۆ پرەزيدەنتكە نە ىستەلگەنىن ايتتى:
- مەملەكەتتىڭ ەكونوميكاداعى ۇلەسىن ازايتۋ ءۇشىن 450-دەن اسا كاسىپورىندى قامتيتىن ءتىزىم دايىندالعانىن جەتكىزدى.
- ۇلتتىق جەكەشەلەندىرۋ كەڭسەسى ازىرلەگەن تىزىمدەگى كومپانيالاردى باسەكەلەستىك ورتاعا بەرۋ ۇسىنىلادى.
- نەگىزگى تاۋارلار نارىعىنداعى باسەكەلەستىكتى دامىتۋ جۇمىستارى اياسىندا بيرجالىق قىزمەت زاڭناما تالاپتارى مەن قازىرگى نارىقتىق ساۋدا جاعدايلارىنا سايكەستەندىرىلگەنىن ايتتى.
- بۇگىنگى تاڭدا 3 تاۋار بيرجاسى جۇمىس ىستەيدى، ال اگەنتتىككە اتالعان سالاداعى مەملەكەتتىك باقىلاۋ فۋنكسيالارى بەرىلگەن ساتتە 22 بيرجا بولعان ەدى.
- ۆەدومستۆونىڭ الداعى كەزەڭگە ارنالعان جۇمىس جوسپارىن تانىستىردى.
پرەزيدەنت ەكونوميكانىڭ باستى سەكتورلارىنداعى باسەكەلەستىكتى دامىتۋعا، ۆەدومستۆو جۇرگىزىپ جاتقان تەرگەۋلەر مەن تەكسەرۋلەرگە، سونداي-اق شاعىن جانە ورتا بيزنەستى قورعاۋعا بايلانىستى ءبىرقاتار تاپسىرما بەردى.