پرەزيدەنت قاسىم-جومارت توقايەۆ كونستيتۋسيالىق كوميسسيا ءتوراعاسى – كونستيتۋسيالىق سوت ءتوراعاسى ەلۆيرا ءازىموۆانى، كونستيتۋسيالىق كوميسسيا ءتوراعاسىنىڭ ورىنباسارى – مەملەكەتتىك كەڭەسشى ەرلان ءقاريندى جانە كونستيتۋسيالىق كوميسسيا مۇشەسى – پرەزيدەنتتىڭ قۇقىقتىق ماسەلەلەر جونىندەگى كومەكشىسى ەرجان جيەنبايەۆتى قابىلدادى، دەپ حابارلايدى اqshamnews.kz ءتىلشىسى اقوردانىڭ باسپا ءسوز قىزمەتىنە سىلتەمە جاساپ.
ءازىموۆا پرەزيدەنتكە كونستيتۋسيالىق كوميسسيانىڭ بۇعان دەيىن وتكەن وتىرىستارىنىڭ ناتيجەسى تۋرالى مالىمەت بەرگەن. ەلۆيرا ءازىموۆا كوميسسيا قىزمەتىنىڭ اشىقتىعىن قامتاماسىز ەتۋ ماقساتىندا بارلىق وتىرىس مەديا كەڭىستىكتە، سونىڭ ىشىندە ارنايى تەلەگرامم ارنالارى ارقىلى تىكەلەي كورسەتىلىپ جاتقانىن باياندادى.
"كونستيتۋسيالىق كوميسسيا ءتوراعاسى جارتى جىل بويى كونستيتۋسيالىق رەفورمالاردى قوعامدىق تالقىلاۋ وتكەنىن ايتتى. ەلەكتروندى پلاتفورماعا ازاماتتاردان، قۇقىقتانۋشى عالىمداردان، ساراپشىلاردان، زاڭگەرلەردەن، ساياسي پارتيالاردان، ۇكىمەتتىك ەمەس ۇيىمداردان، كاسىپتىك جانە بيزنەس قاۋىمداستىقتاردان 2 مىڭنان اسا ۇسىنىس پەن باستاما كەلىپ تۇسكەن"، - دەپ حابارلايدى اقوردا.
وسىعان دەيىنگى وتىرىستاردا كوميسسيا مۇشەلەرى كونستيتۋسيا پرەامبۋلاسىنىڭ تۇبەگەيلى جاڭا رەداكسياسىن، ءبىرقاتار باپتاردى جانە بولىمدەردى ازىرلەپ، قاراستىردى.
مەملەكەت باسشىسى الداعى كونستيتۋسيالىق رەفورما ەلىمىزدىڭ دامۋىنا تىڭ سەرپىن بەرەتىنىن اتاپ ءوتتى. ال كوميسسيا جۇمىسى كونستيتۋسيالىق رەفورمالاردى ىسكە اسىرۋدا وتە ماڭىزدى ءرول اتقاراتىنىن جەتكىزدى.