تمد باسشىلارىنىڭ جاڭا جىل قارساڭىندا وتكىزەتىن وسىنداي فورماتتاعى كەزدەسۋى داستۇرگە اينالدى.
28 جەلتوقساندا قازاقستان پرەزيدەنتى قاسىم-جومارت توقايەۆ تمد-عا مۇشە مەملەكەتتەر باسشىلارىنىڭ بەيرەسمي كەزدەسۋىنە قاتىسۋ ءۇشىن سانكت-پەتەربۋرگكە جۇمىس ساپارىمەن بارادى، دەپ حابارلايدى Almaty-akshamy.kz
«جيىن بارىسىندا دوستاستىق اياسىندا اتقارىلعان بىرلەسكەن جۇمىستاردىڭ قورىتىندىلارى، كوپجاقتى ىقپالداستىقتى دامىتۋدىڭ پەرسپەكتيۆالارى جانە ۇيىم قىزمەتىنىڭ تيىمدىلىگىن ارتتىرۋ ماسەلەلەرى تالقىلانباق. سونىمەن قاتار حالىقارالىق جانە ايماقتىق كۇن ءتارتىبىنىڭ وزەكتى ماسەلەلەرى قاراستىرىلادى دەپ جوسپارلانۋدا»، -دەپ جازدى مەملەكەت باسشىسىنىڭ باسپا ءسوز حاتشىسى بەرىك ءۋالي فەيسبۋك پاراقشاسىندا.