مەملەكەت باسشىسى قاسىم-جومارت توقايەۆ يزرايل پرەزيدەنتى يسحاك گەرسوگقا حالىقارالىق حولوكوست قۇرباندارىن ەسكە الۋ كۇنىنە وراي جەدەلحات جولدادى، دەپ حابارلايدى Aqshamnews.kz ءتىلشىسى اقورداعا سىلتەمە جاساپ.
قاسىم-جومارت توقايەۆ جەدەلحاتتا قازاقستان حالقى حولوكوست جىلدارىندا قازا بولعان ميلليونداعان جازىقسىز قۇرباندى ەسكە الاتىنىن اتاپ ءوتتى.
«ەلىمىز ەتنيكالىق جانە ءدىني وشپەندىلىك پەن زورلىق-زومبىلىقتىڭ كەز كەلگەن ءتۇرىن قاتاڭ ايىپتايدى، ادامزاتقا قارسى مۇنداي قىلمىستىڭ قايتالانۋىنا جول بەرمەۋ جونىندەگى حالىقارالىق قوعامداستىقتىڭ ورتاق كۇش-جىگەرىن قولدايدى. قازاقستان حولوكوست جىلدارىندا جەر اۋدارىلعان كوپتەگەن ەۆرەيگە مەكەن بولدى. بۇگىندە ەۆرەي قاۋىمداستىعى قوعامىمىزدىڭ اجىراماس بولىگى سانالادى»، – دەلىنگەن جەدەلحاتتا.