ءبىز بۇدان بۇرىن 75 جاستاعى كورول III ءچارلزدىڭ قاتەرلى ىسىككە شالدىققانىن حابارلاعانبىز.
مەملەكەت باسشىسى قاسىم-جومارت توقايەۆ ۇلىبريتانيا جانە سولتۇستىك يرلانديا بىرىككەن كورولدىگىنىڭ كورولى ءىىى ءچارلزدىڭ تەزىرەك ساۋىعىپ كەتۋىنە تىلەكتەستىك ءبىلدىرىپ، جەدەلحات جولدادى، دەپ حابارلايدى Almaty-akshamy.kz اقورداعا سىلتەمە جاساپ.
«دياگنوستيكالىق تەكسەرۋلەر قاتەرلى ىسىكتىڭ ءتۇرىن انىقتادى. كورول دۇيسەنبىدەن باستاپ تۇراقتى ەمدەلۋگە كىرىستى. ول تەزىرەك ەمدەلۋگە قۇشتار جانە مۇمكىندىگىنشە مەملەكەتتىك قىزمەتكە تولىقتاي ورالۋعا اسىعادى»، - دەلىنگەن بۋكينگەم سارايىنىڭ حابارلاماسىندا.