ەلىمىزدە «كيبەر تۇمار» ءاقپاراتتىق-بىلىم بەرۋ ناۋقانى باستالدى.
جوبانىڭ ماقساتى – بالالاردىڭ سيفرلىق ساۋاتىن ارتتىرۋ جانە كيبەركەڭىستىكتەگى ءقاۋىپتى ازايتۋ، دەپ حابارلايدى Almaty-akshamy.kz بۇۇ قازاقستانداعى بالالار قورىنىڭ باسپا ءسوز قىزمەتىنە سىلتەمە جاساپ.
«كيبەر تۇمار» – بالالاردىڭ قۇقىعىن قورعاۋ كوميتەتى، يۋنيسەف قازاقستان جانە ەۋروپا وداعىنىڭ قولداۋىمەن ىسكە اسقان ءاقپاراتتىق-بىلىم بەرۋ ناۋقانى. ونىڭ اياسىندا بالالار كيبەركەڭىستىكتەگى ءتۇرلى قاۋىپ-قاتەردىڭ بازالىق الگوريتمدەرى جانە ساراپشىلاردىڭ كەڭەسىمەن تانىسىپ، پايدالى بەينەروليكتەردى كورە الادى.
بالالاردىڭ قۇقىعىن قورعاۋ كوميتەتىنىڭ ءتوراعاسى ناسىمجان وسپانوۆانىڭ پىكىرىنشە، بۇگىندە ينتەرنەت تەك اقپارات قۇرالى ەمەس، سونىمەن بىرگە كوممۋنيكاسيا قۇرالى.
سوندىقتان مۇنداي قۇرالدىڭ مۇمكىندىگىن بارىنشا پايدالى، سانالى جانە ادامعا زيانى تيمەيتىندەي ەتىپ قولدانۋدى جاسىنان ۇيرەتۋ كەرەك.
«كيبەر تۇمار» – بالالاردىڭ قاۋىپسىزدىگىن قامتاماسىز ەتۋگە، اتا-انا مەن بالانىڭ ونلاين ورتادا اقپاراتتى تاڭداۋعا، كيبەركەڭىستەگى «يممۋنيتەتىن» قالىپتاستىرۋعا مۇمكىندىك بەرەتىن زاماناۋي ءىس-شارا»، دەدى باسشى.