قايعىلى جاعدايعا كىنالىلەر زاڭ بويىنشا جاۋاپقا تارتىلادى.
مەملەكەت باسشىسى قاسىم-جومارت توقايەۆ الماتى قالاسىنداعى حوستەلدەردىڭ بىرىندە قازا تاپقان قازاقستاننىڭ جانە شەتەل ازاماتتارىنىڭ جاقىندارى مەن تۋعان-تۋىستارىنا كوڭىل ايتتى، دەپ حابارلايدى Almaty-akshamy.kz اقورداعا سىلتەمە جاساپ.
"قايعىلى جاعدايعا كىنالىلەر زاڭ بويىنشا جاۋاپقا تارتىلادى. ۇكىمەت پەن اكىمدىككە زارداپ شەككەندەردىڭ وتباسىلارىنا كومەك كورسەتۋ تاپسىرىلدى"، - دەپ جازىلعان حابارلامادا.
بۇگىن الماتىدا حوستەلدەردىڭ بىرىنەن ءورت شىعىپ، 13 ادام قايتىس بولدى. كەيىننەن قازا تاپقان مارقۇمداردىڭ قاي ەلدىڭ ازاماتتارى ەكەنى ايتىلدى. توتەنشە جاعدايلار دەپارتامەنتىنىڭ مالىمەتىنشە، حوستەلدىڭ رۇقسات قۇجاتى بولماعان. 13 ادامنىڭ ءومىرىن قيعان ءورتتى تەكسەرۋگە ۇكىمەتتىك كوميسسيا قۇرىلدى.