پرەزيدەنت شەتەلدە جۇمىس ىستەپ جۇرگەن قازاقستاندىق ءىت ماماندارمەن كەزدەستى.
Google كومپانياسىنىڭ ينجەنەر-پروگرامميسى اراي سابىرجان مەملەكەت باسشىسى قاسىم-جومارت توقايەۆقا الەمدىك IT كومپانياداعى جۇمىسىنان العان اسەرىن ايتتى، دەپ حابارلايدى Almaty-akshamy.kz
اراي سابىرجان 2017 جىلى الماتىداعى حالىقارالىق اقپاراتتىق تەحنولوگيالار ۋنيۆەرسيتەتىن ءتامامداعان. 2018 جىلى سان-فرانسيسكوعا كوشىپ، بىرنەشە ستارتاپ-كومپانيادا جۇمىس ىستەگەن. ال ءقازىر Google كومپانياسىندا ۆيرتۋالدى ماشينالار باعدارلاماشىسى بولىپ قىزمەت ەتەدى.
پرەزيدەنت ودان Google-داعى كەلىسىمشارتى قىسقا مەرزىمدى مە دەپ سۇرادى. ارايدىڭ ايتۋىنشا، كەلىسىمشارت ۇزاق مەرزىمدى.
وسى ورايدا مەملەكەت باسشىسى قازاق قىزىنا ەلگە ورالۋدى ۇسىندى.
«قازاقستانعا قايتىپ كەلسەڭىز، مەن ءسىزدى ۇكىمەتكە قويار ەدىم عوي. جاقسى، ەندى بايلانىستا بولامىز عوي. امەريكادا جاقسى، ءبىراق قازاقستان دەگەن كەرەمەت قوي. مەن قازاقستاندا ىستەي الاسىز دەپ ويلايمىن»، - دەدى توقايەۆ.