قاسىم-جومارت توقايەۆ فرانسيا پرەزيدەنتىمەن كەزدەسۋ وتكىزدى
قاسىم-جومارت توقايەۆ ەممانيۋەل ماكرونمەن ەكىجاقتى ىنتىماقتاستىقتىڭ جاي-كۇيىن تالقىلادى، - دەپ حابارلايدى Aqshamnews.kz.
مەملەكەت باسشىسى فرانسيا ەلىمىزدىڭ ەۋروپا وداعىنداعى باستى ءارى سەنىمدى سەرىكتەسى سانالاتىنىن اتاپ ءوتتى.
پرەزيدەنتتەر وسىعان دەيىن جوعارى دەڭگەيدە قول جەتكىزىلگەن ۋاعدالاستىقتار ءتۇرلى سالادا، سونىڭ ىشىندە ەنەرگەتيكا، كولىك-لوگيستيكا، اۋىل شارۋاشىلىعى، دەنساۋلىق ساقتاۋ باعىتتارىندا ايتارلىقتاي تابىستى ىسكە اسىرىلىپ جاتقانىنا توقتالدى.
مادەني-گۋمانيتارلىق بايلانىستار جەمىستى دامىپ كەلەدى.
قازاقستان مەن فرانسيا پرەزيدەنتتەرى وزەكتى گەوساياسي ماسەلەلەر جونىندە پىكىر الماستى.
Cونىمەن قاتار، مەملەكەت باسشىسى فينليانديا پرەزيدەنتىمەن كەلىسسوز جۇرگىزدى.
قاسىم-جومارت توقايەۆ پەن فينليانديا پرەزيدەنتى الەكساندر ستۋبب ەكىجاقتى جانە حالىقارالىق كۇن تارتىبىندەگى ماسەلەلەردى تالقىلادى.
سۋرەت: Akorda.kz
قازاقستان پرەزيدەنتى جوعارى دەڭگەيدەگى جەمىستى ساياسي ديالوگ ەكى ەل اراسىنداعى ىنتىماقتاستىقتى ارتتىرۋدا ماڭىزدى ءرول اتقاراتىنىنا توقتالدى.
وسى ورايدا قاسىم-جومارت توقايەۆ فينليانديا باسشىسىنىڭ قازاقستانعا جاسايتىن الداعى ساپارى قوس ەلدىڭ ساۋدا-ەكونوميكالىق، ينۆەستيسيالىق جانە گۋمانيتارلىق الەۋەتىن تانىتۋعا ىقپال ەتەتىنىنە سەنىمدى ەكەنىن ايتتى.
كەزدەسۋدە الەمدەگى قازىرگى گەوساياسي احۋالعا باسا ءمان بەرىلدى.