مەملەكەت باسشىسى "بەلگىسىز جاۋىنگەر بەيىتى" ەسكەرتكىش مەموريالىنا گۇل شوعىن قويدى، - دەپ حابارلايدى aqshamnews.kz ءتىلشىسى.
قاسىم-جومارت توقايەۆتىڭ رەسەي فەدەراسياسىنا مەملەكەتتىك ساپارىنىڭ ەكىنشى كۇنى الەكساندر باعىنداعى "بەلگىسىز جاۋىنگەر بەيىتى" مەموريالىنا گۇل شوعىن قويۋ راسىمىنەن باستالدى.
ءبىر مينۋت ۇنسىزدىكتەن كەيىن وركەستر قازاقستان رەسپۋبليكاسىنىڭ مەملەكەتتىك ءانۇرانىن ورىندادى. سودان سوڭ قۇرمەت قاراۋىلى ەلىمىزدىڭ رەسمي دەلەگاسياسىنىڭ الدىنان سالتاناتپەن ساپ تۇزەپ ءوتتى.
قازاقستان ۇلى جەڭىسكە زور ۇلەس قوستى. مايدانعا 1 ميلليون 200 مىڭنان استام قازاقستاندىق اتتانىپ، ولاردىڭ تەڭ جارتىسى ەرلىكپەن قازا تاپتى. بەس جۇزدەن استام وتانداسىمىز كەڭەس وداعىنىڭ باتىرى اتاندى.