قازاقستاندىق بەيبارىس قابىلان تاەكۆوندودان نايروبيدە (كەنيا) ءوتىپ جاتقان جاستار اراسىنداعى الەم چەمپيوناتىنىڭ التىن جۇلدەگەرى اتاندى، دەپ حابارلايدى aqshamnews.kz
پرەزيدەنت سپورتشىنى تاەكۆوندودان 21 جاسقا دەيىنگى جاستار اراسىندا الەم چەمپيونى اتانۋىمەن قۇتتىقتادى.
ۇلتتىق وليمپيادالىق كوميتەتتىڭ مالىمەتىنشە، جەرلەسىمىز 87 كەلىدەن جوعارى سالماقتا ەل نامىسىن قورعادى.
«بەيبارىس فينالدا وڭتۇستىك كورەيا سپورتشىسى يان ءچجۋنوندى سەنىمدى تۇردە جەڭدى. وسىلايشا، قازاقستان جاستار قۇراماسى الەم چەمپيوناتىندا العاشقى مەدالىن جەڭىپ الدى»، - دەپ جازىلعان حابارلامادا.
بەيبارىس قابىلاندى تاريحي جەڭىسىمەن مەملەكەت باسشىسى قاسىم-جومارت توقايەۆ قۇتتىقتادى.
«بەيبارىس قابىلاندى تاەكۆوندودان 21 جاسقا دەيىنگى جاستار اراسىندا الەم چەمپيونى اتانۋىمەن قۇتتىقتايمىن! ول كەنيادا وتكەن بايراقتى باسەكەدە ەلىمىزدىڭ مەرەيىن ۇستەم ەتىپ، قازاقستان تاريحىندا تاەكۆوندودان العاشقى التىن جۇلدەنى جەڭىپ الدى. سپورتشىنىڭ الار اسۋى، باعىندىرار بيىگى كوپ بولۋىنا تىلەكتەسپىن»، – دەلىنگەن قۇتتىقتاۋدا.