قاسىم-جومارت توقايەۆ يلحام الييەۆتى جانە ءازىربايجان حالقىن ۇلتتىق مەرەكەسى – تاۋەلسىزدىك كۇنىمەن قۇتتىقتادى.
مەملەكەت باسشىسى ءازىربايجان پرەزيدەنتىنە قۇتتىقتاۋ جەدەلحاتىن جولدادى، دەپ حابارلايدى Almaty-akshamy.kz
«ءازىربايجاننىڭ مەملەكەتتىلىگى مەن حالىقارالىق بەدەلىن نىعايتۋ ىسىندەگى تاڭقالارلىق جەتىستىكتەرى وسى تاريحي داتانىڭ ءمان-ماڭىزىن ارتتىرا تۇسەدى. قازاقستان باۋىرلاس ءازىربايجاننىڭ قول جەتكىزگەن تابىستارىنا زور ىقىلاسپەن تىلەۋلەستىك تانىتىپ، دوستىق پەن ءوزارا قولداۋ رۋحىنداعى سان قىرلى ىنتىماقتاستىقتى تەرەڭدەتۋگە ەرەكشە نازار اۋدارادى. ءقازاق-ازىربايجان ستراتەگيالىق سەرىكتەستىگى مەن وداقتاستىعى تۋىسقان حالىقتاردىڭ وسىپ-وركەندەۋى جولىندا بەكي تۇسەتىنىنە سەنىمدىمىن»،-دەپ جازىلعان جەدەلحاتتا.
قاسىم-جومارت توقايەۆ يلحام الييەۆكە جالپىۇلتتىق كوشباسشى رەتىندە تابىس، ال باۋىرلاس ءازىربايجان حالقىنا بەيبىتشىلىك، باق-بەرەكە تىلەدى.