پرەزيدەنت قاسىم-جومارت توقايەۆ الاتاۋ قالاسىنا ارناۋلى مارتەبە بەرۋ تۋرالى جارلىققا قول قويدى، - دەپ حابارلايدى اqshamnews.kz ءتىلشىسى.
قازاقستان رەسپۋبليكاسىنىڭ يننوۆاسياعا باعدارلانعان ەكونوميكاسىنىڭ ورنىقتى ءوسۋىن ىنتالاندىرۋ، جوعارى تەحنولوگيالىق سالالارعا ينۆەستيسيالار تارتۋ جانە الماتى اگلومەراسياسىنىڭ جيناقتالعان الەۋەتى نەگىزىندە وڭىردە حالىقارالىق ماڭىزى بار ىسكەرلىك جانە يننوۆاسيالىق بەلسەندىلىك ورتالىعىن قالىپتاستىرۋ ماقساتىندا قاۋلى ەتەمىن:
1. الاتاۋ قالاسىنا دامۋ قارقىنى وزىق قالا دەگەن ارناۋلى مارتەبە (بۇدان ءارى – ارناۋلى مارتەبە) بەرىلسىن.
2. مىنالار:
1) كاسىپكەرلىكتىڭ ءوسىپ كەلە جاتقان جانە جاڭا سالالارىنا ينۆەستيسيالار تارتۋ جانە ءارتۇرلى قىزمەت سالالارىنا يننوۆاسيالار ەندىرۋ ەسەبىنەن الاتاۋ قالاسىنىڭ الەۋمەتتىك-ەكونوميكالىق دامۋىن جەدەلدەتۋدى قامتاماسىز ەتەتىن ەرەكشە ينستيتۋسيونالدىق ورتا قالىپتاستىرۋ؛
2) الاتاۋ قالاسىن دامىتۋعا كەز كەلگەن جەكەشە ينۆەستيسيالاردى تارتۋ جانە قورعاۋ ءۇشىن ساپالىق جاڭا دەڭگەيدەگى ينستيتۋسيونالدىق بازانى قامتاماسىز ەتۋ؛
3) الاتاۋ قالاسىن باسقارۋدا، ونىڭ ىشىندە ارنايى ەكونوميكالىق ايماقتىڭ جۇمىس ىستەۋى جاعدايلارىندا جەتەكشى حالىقارالىق تاسىلدەر مەن پراكتيكالاردى قولدانۋ ارناۋلى مارتەبەنىڭ نەگىزگى باعىتى مەن مازمۇنى بولىپ ايقىندالسىن.
3. وسى جارلىققا قوسىمشاعا سايكەس قۇرامدا الاتاۋ قالاسىن دامىتۋ جونىندەگى كەڭەس (بۇدان ءارى – كەڭەس) قۇرىلسىن.
4. مىنالار:
1) الاتاۋ قالاسىنىڭ ينۆەستيسيالاردى تارتۋ، ىسكەرلىك بەلسەندىلىك پەن يننوۆاسيالاردى دامىتۋ ماسەلەلەرى جونىندەگى قۇجاتتاردى، سونداي-اق ونىڭ ارناۋلى مارتەبەسىنە بايلانىستى وزگە دە قۇجاتتاردى كەلىسۋ جانە بەكىتۋ؛
2) الاتاۋ قالاسىنىڭ ينۆەستيسيالاردى تارتۋ، ىسكەرلىك بەلسەندىلىك پەن يننوۆاسيالاردى دامىتۋ ماسەلەلەرى بويىنشا، سونداي-اق ونىڭ ارناۋلى مارتەبەسىنە بايلانىستى وزگە دە ماسەلەلەر بويىنشا ورتالىق جانە جەرگىلىكتى مەملەكەتتىك ورگانداردىڭ ورىنداۋى ءۇشىن مىندەتتى شەشىمدەر قابىلداۋ؛
3) وسى جارلىقتان جانە قازاقستان رەسپۋبليكاسىنىڭ زاڭناماسىنان تۋىندايتىن وزگە دە ماسەلەلەردى شەشۋ كەڭەستىڭ وكىلەتتىكتەرى بولىپ ايقىندالسىن.
- قازاقستان رەسپۋبليكاسىنىڭ ۇكىمەتى:
- 2025 جىلعى 1 قاراشاعا دەيىن:
كەڭەس تۋرالى ەرەجەنى بەكىتۋ؛
جوعارى باسقارۋ ورگانى كەڭەس بولاتىن «Alatau City Authority» مەملەكەتتىك قورى (بۇدان ءارى – اسا) نىسانىندا زاڭدى تۇلعا قۇرۋ بويىنشا شارالار قابىلداسىن؛
2) الاتاۋ قالاسىنىڭ ارناۋلى مارتەبە شەڭبەرىندە مەملەكەتتىك بيۋدجەت قاراجاتى مەن جەكە كوزدەر ەسەبىنەن، ونىڭ ىشىندە:
قالالىق كەڭىستىكتى، يندۋستريالىق جانە ارنايى ەكونوميكالىق ايماقتاردى باسقارۋدىڭ تابىستى حالىقارالىق تاجىريبەسىن ەندىرۋ؛
جەتەكشى حالىقارالىق ساراپشىلاردى، كونسۋلتانتتاردى جانە جوعارى بىلىكتى كادرلاردى تارتۋ؛
ينۆەستيسيالار تارتۋ ماقساتىندا الاتاۋ قالاسىن ىلگەرىلەتۋگە باعىتتالعان ءىس-شارالار وتكىزۋدى ۇيىمداستىرۋ؛
الاتاۋ قالاسىن دامىتۋعا قاتىستى كەڭەستىڭ، ورتالىق جانە جەرگىلىكتى مەملەكەتتىك ورگانداردىڭ بارلىق پروسەستەرى مەن شەشىمدەرىن ىسكە اسىرۋ جانە ۇيلەستىرۋ ارقىلى جۇمىس ىستەۋىن قامتاماسىز ەتۋ اسا قىزمەتىنىڭ ماقساتى دەپ ايقىنداسىن؛
3) 2025 جىلعى 31 جەلتوقسانعا دەيىن قازاقستان رەسپۋبليكاسى پارلامەنتى ءماجىلىسىنىڭ قاراۋىنا الاتاۋ قالاسىنىڭ ارناۋلى مارتەبەسىنىڭ قۇقىقتىق نەگىزدەرىن ايقىنداۋعا باعىتتالعان كونستيتۋسيالىق زاڭ جوباسىن ەنگىزسىن، وندا مىنالار كوزدەلسىن:
الاتاۋ قالاسىندا جەرگىلىكتى مەملەكەتتىك باسقارۋ ورگاندارىن ۇيىمداستىرۋدىڭ، ولاردىڭ قۇرىلىمىنىڭ، قىزمەتىن جۇزەگە اسىرۋىنىڭ جانە وكىلەتتىكتەرىنىڭ، ونىڭ ىشىندە ولاردىڭ قۇقىقتىق اكتىلەر شىعارۋىنىڭ، قۇقىق نورمالارىن جانە/نەمەسە يننوۆاسيالىق جوبالاردى، شەشىمدەردى، سەرۆيستەر مەن تەحنولوگيالاردى سىناقتان وتكىزۋ ماقساتىندا شىعارۋىنىڭ ەرەكشەلىكتەرى؛
كليماتتىق بەيتاراپتىققا كوشۋدى ەسكەرە وتىرىپ، قالالىق ينفراقۇرىلىم مەن كەڭىستىكتى باسقارۋدىڭ اقپاراتتىق-كوممۋنيكاسيالىق تەحنولوگيالارىن جانە زاتتار ينتەرنەتىن (Smart City) ازىرلەۋدى، ەندىرۋدى جانە پايدالانۋدى رەتتەۋ ەرەكشەلىكتەرى؛
وبەكتىلەردى جوبالاۋ، قالا قۇرىلىسى تۇرعىسىنان جوسپارلاۋ جانە سالۋ پروسەستەرىن، سونداي-اق شەتەلدىك زاڭدى جانە جەكە تۇلعالاردى قوسا العاندا، جەكە كاسىپكەرلىك سۋبەكتىلەرىنىڭ كورسەتىلگەن سالالارعا ينۆەستيسيا سالۋىنىڭ قۇقىقتىق تەتىكتەرىن رەتتەۋ ەرەكشەلىكتەرى؛
الاتاۋ قالاسىنىڭ اۋماعىندا وزىق حالىقارالىق جانە شەتەلدىك ستاندارتتاردى، پراكتيكالاردى، جىكتەۋىشتەردى، تەحنيكالىق رەگلامەنتتەردى، سەرتيفيكاتتاۋ راسىمدەرىن، تەحنيكالىق جانە تەحنولوگيالىق نورمالاردى تانۋ جانە قولدانۋ پروسەستەرىن رەتتەۋ ەرەكشەلىكتەرى؛
تۇرعىن ءۇي، كوشى-قون سالاسىنداعى قاتىناستاردى، ەڭبەك قاتىناستارىن رەتتەۋ جانە شەتەلدىك، ونىڭ ىشىندە جوعارى بىلىكتى جۇمىس كۇشىن تارتۋ ەرەكشەلىكتەرى؛
حالىقارالىق وزىق پراكتيكالاردى ەسكەرە وتىرىپ، مەملەكەتتىك ساتىپ الۋ سالاسىنداعى قاتىناستاردى رەتتەۋ ەرەكشەلىكتەرى؛
تاۋارلارعا، جۇمىستار مەن كورسەتىلەتىن قىزمەتتەرگە كريپتوفيات ارنالارى مەن رەتتەلەتىن ستەيبلكويندەردى قولدانا وتىرىپ، اقى تولەۋ مۇمكىندىكتەرىن قوسا العاندا، سيفرلىق اكتيۆتەردىڭ اينالىمىن رەتتەۋ جانە ولاردىڭ بازاسىندا سيفرلىق قارجى سەرۆيستەرىن ەندىرۋ ەرەكشەلىكتەرى؛
توكەندەۋ تەحنولوگيالارىن قولدانۋدى، ورتالىقتاندىرىلماعان قارجىنىڭ (DeFi) جانە ينتەرنەت-تەحنولوگيالاردىڭ (Web3) جۇمىس ىستەۋىن رەتتەۋ ەرەكشەلىكتەرى؛
جاساندى ينتەللەكت جانە ماشينالىق وقىتۋ تەحنولوگيالارىن قولدانۋدى رەتتەۋ ەرەكشەلىكتەرى؛
ءبىلىم بەرۋ، دەنساۋلىق ساقتاۋ، بيولوگيالىق تەحنولوگيالار، مەديسينالىق جابدىقتاردى شىعارۋ جانە پايدالانۋ سالاسىندا تەحنولوگيالىق يننوۆاسيالاردى ازىرلەۋدى، ەندىرۋدى جانە پايدالانۋدى رەتتەۋ ەرەكشەلىكتەرى؛
تومەن بيىكتىكتەگى ەكونوميكا سالاسىن (LAE) جانە قالالىق اۋە ۇتقىرلىعىن (UAM) دامىتۋ شەڭبەرىندە روبوت تەحنيكاسى جۇيەلەرىن، پيلوتسىز اپپاراتتاردى، ەلەكتر ۇشۋ اپپاراتتارىن (eVTOL) شىعارۋدىڭ تەحنولوگيالىق يننوۆاسيالارىن ازىرلەۋدى، ەندىرۋدى جانە پايدالانۋدى رەتتەۋ ەرەكشەلىكتەرى؛
جەر قاتىناستارىن، تابيعي رەسۋرستاردى پايدالانۋ جانە قورشاعان ورتانى قورعاۋ سالاسىنداعى قاتىناستاردى رەتتەۋ ەرەكشەلىكتەرى؛
قالا اۋماعىندا ارنايى ەكونوميكالىق ايماق قۇرۋدىڭ، ۇيىمداستىرۋدىڭ جانە ونىڭ جۇمىس ىستەۋىنىڭ، كرەاتيۆتى يندۋستريا مەن ويىن قىزمەتىنىڭ ەرەكشەلىكتەرى؛
جاۋاپكەرشىلىكتى رەتتەۋ ەرەكشەلىكتەرى؛
ينۆەستيسيالاۋ جاعدايلارىنىڭ تۇراقتىلىعىنا، ينۆەستيسيالاردى قورعاۋعا جانە كاپيتال قوزعالىسىنىڭ ەرەكشەلىكتەرىن رەتتەۋگە كەپىلدىك بەرۋ؛
سالىق سالۋدىڭ جانە بيۋدجەتتىك قاتىناستاردىڭ ايرىقشا رەجيمىن قولدانۋ؛
الماتى اگلومەراسياسى شەڭبەرىندە الاتاۋ قالاسىنىڭ، الماتى وبلىسىنىڭ جانە الماتى قالاسىنىڭ كەلىسىلگەن دامۋى بويىنشا، ونىڭ ىشىندە كولىك-لوگيستيكا بايلانىستارى، كوممۋنالدىق جانە ەنەرگەتيكالىق ينفراقۇرىلىم، كوشى-قون ساياساتى ماسەلەلەرىندەگى قاتىناستاردى رەتتەۋ؛
الاتاۋ قالاسىنىڭ ارناۋلى مارتەبە جاعدايىندا جۇمىس ىستەۋى ماقساتتارىنا قول جەتكىزۋگە باعىتتالعان وزگە دە ەرەكشەلىكتەر؛
4) 2026 جىلعى 1 قىركۇيەككە دەيىن الاتاۋ قالاسىنىڭ ارناۋلى قۇقىقتىق رەجيمىن «استانا» حالىقارالىق قارجى ورتالىعى قىزمەتىنىڭ رەجيمىن كەڭەيتۋ جانە ينۆەستيسيالاردى قۇقىقتىق قورعاۋدىڭ ينستيتۋسيونالدىق تيىمدىلىگىن ايتارلىقتاي ارتتىراتىن باسقا دا شارالار ەسەبىنەن ودان ءارى جەتىلدىرۋ جونىندە ۇسىنىستار ازىرلەسىن جانە ەنگىزسىن؛
5) الاتاۋ قالاسىن دامىتۋعا ينۆەستورلاردى، جەكەشە جانە ەگەمەندى ينۆەستيسيالىق قورلاردى كەڭىنەن تارتۋ، ونىڭ ىشىندە جەكەلەگەن حالىقارالىق شارتتار جاساسۋ شەڭبەرىندە تارتۋ بويىنشا شارالار قابىلداسىن.
6. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ باس پروكۋراتۋراسىمەن، قازاقستان رەسپۋبليكاسىنىڭ ۇلتتىق بانكىمەن جانە كەڭەسپەن بىرلەسىپ، 2026 جىلعى 1 قىركۇيەككە دەيىن ورتالىق جانە جەرگىلىكتى مەملەكەتتىك ورگانداردىڭ، سونداي-اق كۆازيمەملەكەتتىك سەكتور سۋبەكتىلەرىنىڭ ورىنداۋى ءۇشىن مىندەتتى بولاتىن الاتاۋ قالاسىنىڭ ارناۋلى مارتەبەسىنىڭ قۇقىقتىق رەجيمىنىڭ جۇمىس ىستەۋى تۇجىرىمداماسىن بەكىتسىن.
7. الاتاۋ قالاسىنىڭ ارناۋلى مارتەبە جاعدايىندا دامۋى پروسەستەرىن ۇيلەستىرۋدى كۇشەيتۋ ماقساتىندا قازاقستان رەسپۋبليكاسىنىڭ ۇكىمەتى جانە الماتى وبلىسىنىڭ اكىمى:
1) «Alatau» ارنايى ەكونوميكالىق ايماعىنىڭ باسقارۋشى كومپانياسى» جاۋاپكەرشىلىگى شەكتەۋلى سەرىكتەستىگىنىڭ جارعىلىق كاپيتالىنا قاتىسۋ ۇلەستەرىن يەلەنۋ جانە پايدالانۋ قۇقىقتارىن اسا-عا بەرۋ بويىنشا شارالار قابىلداسىن؛
2) قۇرىلاتىن اسا-مەن «Alatau» ارنايى ەكونوميكالىق ايماعىندا جوسپارلاناتىن جوبالاردىڭ، الاتاۋ قالاسىنىڭ شەگىندە جۇزەگە اسىرىلاتىن يندۋستريالىق-يننوۆاسيالىق، ينۆەستيسيالىق جوبالاردىڭ، مەملەكەتتىك-جەكەشەلىك ارىپتەستىك جانە قۇرىلىس سالۋ جوبالارىنىڭ الاتاۋ قالاسىنىڭ ستراتەگيالىق جانە وزگە دە قالا قۇرىلىسى قۇجاتتارىنا سايكەستىگى تۇرعىسىنان كەلىسىلۋىن قامتاماسىز ەتۋ بويىنشا شارالار قابىلداسىن؛
3) الاتاۋ قالاسىنىڭ قۇجاتتارىنا ينۆەستيسيالار تارتۋ، ىسكەرلىك بەلسەندىلىك پەن يننوۆاسيالاردى دامىتۋ ماسەلەلەرى بويىنشا، سونداي-اق ونىڭ ارنايى مارتەبەسىنە بايلانىستى وزگە دە قۇجاتتارعا كەڭەسپەن كەلىسىلمەستەن وزگەرىستەر مەن تولىقتىرۋلار ەنگىزۋدى بولعىزباسىن جانە جۇمىس ىستەپ تۇرعان ءارى جاڭادان ورنالاستىرىلاتىن بارلىق وبەكتىلەر جوبالارى بويىنشا كەڭەس شەشىمدەرىنىڭ قاتاڭ ساقتالۋىن قامتاماسىز ەتسىن؛
4) 2026 جىلعى 1 قاڭتارعا دەيىن قۇرىلاتىن اسا-مەن بىرلەسىپ، الاتاۋ قالاسىنىڭ باس جوسپارى شەڭبەرىندە 2025 – 2026 جىلدارى الاتاۋ قالاسىنىڭ نەگىزگى دامۋ ايماقتارىندا سالىناتىن ءبىرىنشى كەزەكتەگى ينفراقۇرىلىم وبەكتىلەرىن ايقىنداسىن جانە ولاردى قاجەتتى قارجىلاندىرۋمەن، ونىڭ ىشىندە مەملەكەتتىك-جەكەشەلىك ارىپتەستىك جانە «تولىق ءبىتىرىپ بەرىلەتىن» قۇرىلىس وبەكتىلەرىن قارجىلاندىرۋ تەتىكتەرى ارقىلى قامتاماسىز ەتسىن، ول ءۇشىن بارلىق قاجەتتى قۇجاتتار مەن شەشىمدەردى ازىرلەسىن جانە بەكىتسىن؛
5) الاتاۋ قالاسىنداعى ءبىرىنشى كەزەكتەگى وبەكتىلەردى جوبالاۋ جانە سالۋ پروسەسىندە زاماناۋي حالىقارالىق قۇرىلىس نورمالارىن، قاعيدالارى مەن ستاندارتتارىن تىكەلەي قولدانۋ بويىنشا شارالار قابىلداسىن.
8. قازاقستان رەسپۋبليكاسىنىڭ باس پروكۋراتۋراسى مەملەكەتتىك ورگانداردىڭ، مەكەمەلەردىڭ، ۇيىمداردىڭ، لاۋازىمدى جانە وزگە دە ۋاكىلەتتى تۇلعالاردىڭ وسى جارلىقتى جانە قازاقستان رەسپۋبليكاسىنىڭ الاتاۋ قالاسىنىڭ ارناۋلى مارتەبەسى تۋرالى زاڭناماسىن ورىنداۋ بويىنشا اكتىلەرىنىڭ، ارەكەتتەرىنىڭ (ارەكەتسىزدىگىنىڭ) زاڭدىلىعىن قاداعالاۋدى قامتاماسىز ەتسىن.
9. قازاقستان رەسپۋبليكاسىنىڭ ۇكىمەتى، ورتالىق جانە جەرگىلىكتى اتقارۋشى ورگاندار، سونداي-اق قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار ءوز قىزمەتىندە الاتاۋ قالاسىن دامىتۋعا بايلانىستى بارلىق ماسەلەلەر بويىنشا وسى جارلىقتى باسشىلىققا السىن جانە ودان تۋىندايتىن وزگە دە شارالاردى قابىلداسىن.
10. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
11. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.