ق ر پارلامەنتى ءماجىلىسىنىڭ دەپۋتاتى، «AMANAT» پارتياسى فراكسياسىنىڭ مۇشەسى جۇلدىز سۇلەيمەنوۆا ايەلدەر كوشباسشىلىعى جايىندا ويىمەن ءبولىسىپ، ەلىمىزگە كوشباسشى ايەلدەر نەگە كەرەك ەكەنىن، سونداي-اق «Tomiris» جوباسى تۋرالى ايتتى، دەپ حابارلايدى Almaty-akshamy.kz.  

كوشباسشى ايەلدەرگە ارنالعان «Tomiris» جوباسىنىڭ بىرەگەيلىگى - ونىڭ زاماناۋي قابىلەتتەر مەن داعدىلاردى قالىپتاستىرۋعا عانا ەمەس، ايەلدەردىڭ قوعامنىڭ كەز كەلگەن سالاسىنا بەلسەندى ارالاسۋىنا جاعداي جاساۋعا باعىتتالۋىندا، -دەپ جازدى Azattyq Ruhy.

«Tomiris» وقۋ باعدارلاماسى قاتىسۋشىلارعا ايەلدىڭ قوعامداعى جانە ساياساتتاعى مۇمكىندىكتەرىنە جاڭاشا كوزقاراسپەن قاراۋعا مۇمكىندىك بەرەدى.

مەن ساياساتتاعى وسى ايەلدەر قوعامداستىعىنىڭ وكىلى رەتىندە بۇگىنگى تاڭدا قوعامدا جالپى ءۇش باعىتتاعى سۇرانىستىڭ ورنى ەرەكشە ەكەنىن اتاپ وتكىم كەلەدى. ءبىرىنشى – ءقاۋىپسىز قوعام. ياعني قوعامدا بالاعا دا، ۇلكەنگە دە، ايەلگە نەمەسە ەر ازاماتقا دا قاۋىپسىزدىك شارالارىن قامتاماسىز ەتەتىن قوعام قاجەت. ەكىنشى – الەۋمەتتىك ەكونوميكالىق جاۋاپكەرشىلىكتەر جۇزەگە اسىرىلاتىن قوعام. ءۇشىنشى – مادەني، رۋحاني، تاربيە قۇندىلىقتارى جۇزەگە اسىرىلاتىن قوعام. وسى ءۇش باعىتتا دا ءبىز قازاق ايەلدەرىنىڭ ورنى ەرەكشە ەكەنىن اتاپ وتكىم كەلەدى.

جالپى سايلانبالى قىزمەتتەردە، ساياساتتا ايەلدەردىڭ ۇلەس سانىنىڭ كوپ بولۋى – سول قوعامداعى گۋمانيزمنىڭ، سول قوعامداعى ساياسي تولەرانتتىلىق پەن ساياسي مادەنيەتتىڭ كورسەتكىشى بولىپ تابىلادى. سوندىقتان وسى ورايدا ءبىز ەلىمىزدى دامىتۋ ءۇشىن، ەلىمىزدىڭ ساياسي قوعامدىق دامۋىن كۇشەيتۋ ءۇشىن سىزدەردى دە وسى باعدارلاماعا شاقىرامىن»، - دەدى جۇلدىز سۇلەيمەنوۆا.

كوشباسشى ايەلدەرگە ارنالعان «Tomiris» جوباسىنىڭ ەكىنشى لەگىنە ىرىكتەۋ باستالدى جانە ول 15 شىلدە كۇنگى استانا ۋاقىتىمەن 18:30-عا دەيىن جالعاسادى.

ءوتىنىم فورماسى مەن باعدارلاما تۋرالى تولىق اقپارات https://taplink.cc/apm.amanat.