بۇيرىق 2023 جىلعى 16 شىلدەدە كۇشىنە ەنەدى.
ءىىم-نىڭ 2023 جىلعى 30 ماۋسىمداعى بۇيرىعىمەن قازاقستان حالقىن قۇجاتتاندىرۋ جانە تىركەۋ ماسەلەلەرى بويىنشا مەملەكەتتىك قىزمەتتەردى كورسەتۋ قاعيدالارىنا وزگەرىستەر ەنگىزىلدى، دەپ حابارلايدى Almaty-akshamy.kz
ماسەلەن، 2024 جىلدىڭ 1 قاڭتارىنان باستاپ قازاقستان رەسپۋبليكاسى ازاماتىنىڭ كولەمى 24 بەتتىك (16 جاسقا دەيىنگى بالالار ءۇشىن) پاسپورتىن بەرگەنى ءۇشىن مەملەكەتتىك باج 4 اەك، 48 بەت (ەرەسەكتەر ءۇشىن) – 12 اەك بولادى.
قازاقستان رەسپۋبليكاسى ازاماتىنىڭ ءبىر جىل ىشىندە جوعالۋىنا بايلانىستى جەكە كۋالىگىن بەرگەنى ءۇشىن 1 اەك ەكى ەسەدەن ارتىق تولەۋگە تۋرا كەلەدى.
بۇل رەتتە قازاقستان رەسپۋبليكاسى ازاماتىنىڭ ۇلگىلىك پاسپورتى (36 بەت) ءۇشىن مەملەكەتتىك باج سالىعى – 8 اەك (27 600 تەڭگە – 2023 ج.) دەيىن ساقتالادى.
سونداي-اق، قازاقستان رەسپۋبليكاسى ازاماتىنىڭ جەكە كۋالىگىن بەرگەنى ءۇشىن بۇرىنعى مەملەكەتتىك باج سالىعى – 0،2 اەك (2023 جىلى 690 تەڭگە) ساقتالادى.
تولەم "ەلەكتروندىق ۇكىمەتتىڭ" تولەم ءشليۋزى، ەكىنشى دەڭگەيلى بانكتەر ارقىلى نەمەسە QR كودىن پايدالانا وتىرىپ رپ درن ارقىلى جۇزەگە اسىرىلۋى مۇمكىن.
كەلەسى توپ مەملەكەتتىك باجدى تولەۋدەن بوساتىلادى:
كەڭەس وداعىنىڭ باتىرلارى، سوسياليستىك ەڭبەك ەرلەرى؛
ءۇش دارەجەلى داڭق جانە ءۇش دارەجەلى ەڭبەك داڭقى، "التىن قىران"، "وتان" وردەندەرىمەن ماراپاتتالعان، "حالىق قاھارمانى"، "قازاقستاننىڭ ەڭبەك ەپي" اتاقتارىمەن ماراپاتتالعان تۇلعالار؛
"باتىر انا" اتاعىن العان، "التىن القا"، "كۇمىس القا" القالارىمەن ماراپاتتالعان كوپ بالالى انالار؛
ۇلى وتان سوعىسىنىڭ ارداگەرلەرى، جەڭىلدىكتەر بويىنشا ۇلى وتان سوعىسى ارداگەرلەرىنە تەڭەستىرىلگەن ارداگەرلەر جانە باسقا مەملەكەتتەردىڭ اۋماعىنداعى سوعىس قيمىلدارىنىڭ ارداگەرلەرى، تىلداعى جانقيارلىق ەڭبەگى مەن ءمىنسىز اسكەري قىزمەتى ءۇشىن بۇرىنعى كسرو وردەندەرىمەن جانە مەدالدارىمەن ماراپاتتالعان ادامدار ەكىنشى دۇنيەجۇزىلىك سوعىس جىلدارىندا 1941 جىلعى 22 ماۋسىمنان 1945 جىلعى 9 مامىرعا دەيىن كەمىندە التى اي جۇمىس ىستەگەن (قىزمەت ەتكەن) جانە ەكىنشى دۇنيەجۇزىلىك سوعىس جىلدارىندا تىلداعى جانقيارلىق ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ماراپاتتالماعان ادامدار؛
مۇگەدەكتەر، سونداي-اق بالا كەزىنەن مۇگەدەكتىگى بار ادامنىڭ، مۇگەدەك بالانىڭ اتا-اناسىنىڭ ءبىرى؛ قارتتار مەن مۇگەدەكتەرگە ارنالعان جالپى ۇلگىدەگى مەديسينالىق-الەۋمەتتىك مەكەمەلەردە تۇراتىن، جەتىم بالالار مەن اتا-اناسىنىڭ قامقورلىعىنسىز قالعان، مەملەكەت تاراپىنان تولىق قامتاماسىز ەتىلگەن، بالالار ۇيىندە نەمەسە مەكتەپ-ينتەرناتتاردا تۇراتىن قارت ادامدارعا؛
چەرنوبىل اپاتىنان زارداپ شەككەن ازاماتتار.
قۇجاتتاردى بەرۋ مەرزىمدەرى
قۇجاتتى جالپى تارتىپپەن 15 جۇمىس كۇنى ىشىندە الۋعا بولادى (ءوتىنىش جاسالعان جانە قۇجات قابىلدانعان كۇن مەملەكەتتىك قىزمەتتى كورسەتۋ مەرزىمىنە كىرمەيدى).
مەملەكەتتىك كورپوراسيا ارقىلى قۇجاتتاردى جەدەل تۇردە الۋ:
استانا، الماتى، شىمكەنت جانە اقتوبە قالالارى ءۇشىن – ءبىر جۇمىس كۇنىنە دەيىن جەدەلدىكتىڭ 1-ساناتى، ءۇش جۇمىس كۇنىنە دەيىن 2ء-شى جەدەلدىك ساناتى؛
وبلىس ورتالىقتارى ءۇشىن – ءۇش جۇمىس كۇنىنە دەيىنگى مەرزىمدىلىكتىڭ 1-ساناتى، بەس جۇمىس كۇنىنە دەيىنگى مەرزىمدىلىكتىڭ 2-ساناتى؛
وبلىستاردىڭ اۋداندارى مەن قالالارى ءۇشىن – جەتى جۇمىس كۇنىنە دەيىنگى مەرزىمدىلىكتىڭ 3 ساناتى.
قۇجاتتار توپتاماسىن تاپسىرۋدىڭ رۇقسات ەتىلگەن ەڭ ۇزاق ۋاقىتى - 15 مينۋت.
ءوتىنىش بەرۋشىگە قىزمەت كورسەتۋدىڭ رۇقسات ەتىلگەن ەڭ ۇزاق ۋاقىتى – 30 مينۋت.
بۇيرىق 2023 جىلعى 16 شىلدەدە كۇشىنە ەنەدى.
بۇعان دەيىن 2024 جىلدان باستاپ قازاقستاندىقتاردىڭ قۇجاتتارىندا ساۋساق ىزدەرى بولاتىنىن حابارلاعان ەدىك.
قازاقستان رەسپۋبليكاسى ىشكى ىستەر مينيسترلىگىنىڭ بۇيرىعىمەن قازاقستان رەسپۋبليكاسى ازاماتىنىڭ پاسپورتىن، قازاقستان رەسپۋبليكاسى ازاماتىنىڭ جەكە كۋالىگىن بەرۋدىڭ، اۋىستىرۋدىڭ، تاپسىرۋدىڭ، الىپ قويۋدىڭ جانە جويۋدىڭ جاڭا قاعيدالارى بەكىتىلدى. شەتەلدىكتىڭ قازاقستان رەسپۋبليكاسىندا تۇرۋعا ىقتيارحاتى، ازاماتتىعى جوق ادامنىڭ كۋالىگى جانە جول ءجۇرۋ قۇجاتى بەكىتىلدى.