ەلدەگى ينفلياسيا الەۋمەتتىك جاعدايى تومەن حالىقتىڭ تۇرمىسىن ۋشىقتىردى
ۇكىمەتتىڭ كەڭەيتىلگەن كەڭەسىندە پرەمەر-مينيستردىڭ ورىنباسارى التاي كولگىنوۆ ەلدەگى ينفلياسيا الەۋمەتتىك جاعدايى تومەن حالىقتىڭ تۇرمىسىن ۋشىقتىرعانىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«حالىقتىڭ تابىسىن ارتتىرۋ باعدارلاماسىن جەتىلدىرىپ، الەۋمەتتىك كودەكس ازىرلەندى. ولار بويىنشا ءتۇسىندىرۋ جۇمىستارى جۇرگىزىلىپ جاتىر. سونىمەن قاتار ءبىلىم بەرۋ، مادەنيەت، سپورت، تۋريزم، جاستاردى قولداۋعا باعىتتالعان تۇجىرىمدامالار قابىلداندى. حالىقتىڭ تابىسىن ارتتىرۋ جانە جۇمىسپەن قامتۋ بويىنشا ايتساق، ينفلياسيانىڭ ءوسۋ سالدارى اسىرەسە الەۋمەتتىك وسال تاپتاردىڭ ناقتى تابىسىنىڭ تومەندەۋىنە ءوز اسەرىن تيگىزدى. ەگەر بىلتىر اتاۋلى الەۋمەتتىك كومەك الۋشىلاردىڭ سانى 800 مىڭعا جۋىق بولسا، تەك بىلعى 1 توقساندا ولاردىڭ سانى 446 مىڭ بولىپ وتىر. ونىڭ نەگىزگى بولىگى – از قامتىلعان وتباسىلار»، – دەدى ۇكىمەت باسشىسىنىڭ ورىنباسارى.