نەمىس مامانى توماس تۋحەل فۋتبولدان انگليا قۇراماسىنىڭ باس باپكەرى بولىپ تاعايىندالدى، دەپ حابارلايدى aqshamnews.kz انگليا فۋتبول قاۋىمداستىعىنا سىلتەمە جاساپ.
ول جۇمىسىنا 2025 جىلدىڭ قاڭتارىنان باستاپ كىرىسەدى. كەلىسىمشارت مەرزىمى 2026 جىلدىڭ شىلدەسىنە دەيىن.
«چەمپيوندار ليگاسىنىڭ جەڭىمپازى توماس تۋحەل انگليا قۇراماسىنىڭ باس باپكەرى بولىپ تاعايىندالعانىنا قۋانىشتىمىز. وعان وزگە باپكەر ەنتوني بارري كومەكتەسەدى. بۇل قوس باپكەرمەن جۇمىس ىستەسۋ تۋرالى شەشىم وتكەن اپتانىڭ باسىندا قابىلدانعان. ال، تۋحەل كەلىسىمشارتقا 8 قازاندا قول قويدى. كۇنى كەشە اياقتالعان حالىقارالىق سيكلگە كەدەرگى كەلتىرمەۋ ءۇشىن ءبىز باس باپكەردىڭ اۋىساتىنى تۋرالى رەسمي جاريالاعان جوقپىز»، - دەلىنگەن انگليا فۋتبول قاۋىمداستىعى تاراتقان اقپاراتتا.
Mirror باسىلىمىنىڭ جازۋىنشا، تۋحەلدىڭ جالاقىسى جىلىنا 5 ملن فۋنتتى قۇرايتىن بولادى. قۇراما كوماندانى بۇعان دەيىن جاتتىقتىرعان گارەت ساۋتگەيت بولسا جىلىنا 2،5 ملن فۋنت جالاقى الىپ كەلگەن ەدى. ول ەۋروپا چەمپيوناتىنىڭ فينالىنداعى ساتسىزدىكتەن كەيىن وتستاۆكاعا كەتتى.
ءقازىر باس باپكەردىڭ مىندەتىن اتقارىپ جاتقان لي كارسلي جىل سوڭىنا دەيىن وسى قىزمەتتى اتقاراتىن بولادى.