ءتولقۇجات الۋ قۇنى وزگەرەدى

وزگەرىس 2023 جىلعى 21 مامىردان باستاپ قولدانىسقا ەنگىزىلەدى.

مەملەكەتتىك باج مولشەرلەمەسى ءوتىنىش بەرگەن سۋبەكتىگە بايلانىستى قولدانىلادى، دەپ حابارلايدى Almaty-akshamy.kz مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.

كوميتەتتىڭ اقپاراتىنا سايكەس، مۇلىكتىك سيپاتتاعى تالاپ ارىزداردان سوتتاردا مەملەكەتتىك باج سوماسىنىڭ جوعارعى شەگى بەلگىلەندى:

جەكە تۇلعالار ءۇشىن – تالاپ قويۋ سوماسىنىڭ 1 پايىزى، ءبىراق 10 000 اەك-تەن ارتىق ەمەس؛

زاڭدى تۇلعالار ءۇشىن – تالاپ قويۋ سوماسىنىڭ 3 پايىزى، ءبىراق 20 000 اەك-تەن ارتىق ەمەس.

سونىمەن قاتار سوت اكتىلەرىن كاسساسيالىق تارتىپپەن قايتا قاراۋ تۋرالى ءوتىنىشحاتتار بويىنشا ستاۆكانى قولدانۋ ءتارتىبى وزگەرتىلدى. وسىلايشا، مەملەكەتتىك باج مولشەرلەمەسى ءوتىنىش بەرگەن سۋبەكتىگە بايلانىستى قولدانىلادى. اتالعان وزگەرىستەر 2023 جىلعى 21 مامىردان باستاپ قولدانىسقا ەنگىزىلەدى.

قازاقستان رەسپۋبليكاسى ازاماتىنىڭ (16 جاسقا دەيىنگى بالالار ءۇشىن) ءتولقۇجاتىن بەرگەنى ءۇشىن مولشەرلەمەلەر 8-دەن 4 اەك-كە دەيىن تومەندەتىلدى.

قازاقستان رەسپۋبليكاسى ازاماتىنىڭ پاسپورتىن (16 جاسقا دەيىنگى بالالاردى قوسپاعاندا) بەرگەنى ءۇشىن مولشەرلەمەلەر بەلگىلەندى:

36 بەت – 8 اەك؛

48 بەت – 12 اەك؛

قازاقستان رەسپۋبليكاسى ازاماتىنىڭ جەكە كۋالىگىن بەرگەنى ءۇشىن ونى ءبىر جىل ىشىندە ەكى رەتتەن ارتىق جوعالتۋىنا بايلانىستى – 1 اەك مولشەرلەمەسىن بەلگىلەۋ.