توكيو وليمپياداسى ويىندارى باستالۋدا

كوپتەن كۇتكەن دودا

حالىقارالىق توكيو-2020 وليمپياداسىنىڭ ءبىرىنشى جارىس كۇنىنىڭ باعدارلاماسى بەلگىلى بولدى، دەپ حابارلايدى اlmaty-akshamy.kz وlympic.kz-كە سىلتەمە جاساپ.

بۇگىن، 23 شىلدە كۇنى، جاپونيا استاناسى توكيودا جانكۇيەرلەر اسىعا كۇتكەن XXXII جازعى وليمپيادا ويىندارى باستالادى. ءبىر جىلعا كەيىنگە شەگەرىلگەن 2020 جىلعى وليمپيادا ۇيىمداستىرۋ كوميتەتىنىڭ، حالىقارالىق وليمپيادا كوميتەتىنىڭ جانە جاپونيا بيلىگىنىڭ تالاپ-ەرەجەلەرىنە ساي وتكىزىلەدى. 

Olympic.kzء-تىڭ مالىمەتى بويىنشا، وليمپيادانىڭ العاشقى كۇنىندەگى وتاندىق سپورتشىلاردىڭ جارىس كەستەسىن نازارلارىڭىزعا ۇسىنىلادى. 

ەلىمىزدىڭ استاناسى نۇر-سۇلتان جانە توكيو قالالارىنداعى ۋاقىت ايىرماشىلىعى +3 ساعاتقا تەڭ. ويىننىڭ العاشقى جارىس كۇنىندە ساداق اتۋدان ءۇش قازاقستاندىق سپورتشى جانە اكادەميالىق ەسۋدەن قازاقستان كومانداسىنىڭ وكىلى ىرىكتەۋ كەزەڭىن باستايدى. 

TeamKZ مۇشەلەرىنىڭ جارىس كەستەسى (نۇر-سۇلتان ۋاقىتىمەن):

ساداق اتۋ. ەرلەر:

سانجار مۇسايەۆ، يلفات ابدۋللين، دەنيس گانكين.

باستالۋى: 10:00. 

اكادەميالىق ەسۋ، ىرىكتەۋ:

ۆلاديسلاۆ ياكوۆليەۆ

باستالۋى: 5:30

توكيو وليمپياداسىندا الەمنىڭ 200 مەملەكەتىنەن كەلگەن 11 مىڭعا جۋىق سپورتشى سپورتتىڭ 33 تۇرىنەن ب ا ق سىنايدى. اتلەتتەر جالپى ەسەبى 339 جۇلدە جيىنتىعىن ساراپقا سالادى. 

دۇنيەجۇزىلىك وليمپيادا ويىندارىنىڭ اشىلۋ سالتاناتى 17:00-دە باستالادى.