قازاقستاندىقتار رەسەيگە قالاي بارادى؟

25 شىلدەدەن باستاپ رەسەيگە اۋە رەيستەرىمەن ۇشىپ بارۋ ءۇشىن قازاقستاندىقتار «پۋتەشەستۆۋيۋ بەز COVID-19» قوسىمشاسىن پايدالانۋى ءتيىس.

تەست رەسەي ەلىنە كىرگەنگە دەيىن كەمىندە 72 ساعات بۇرىن تاپسىرىلۋى ءتيىس، دەپ حابارلايدى Almaty-akshamy.kz ق ر يننوۆاسيا جانە ينفراقۇرىلىمدىق دامۋ مينيسترلىگىنىڭ تەلەگرام كانالىنا سىلتەمە جاساپ. 

اتالعان پلاتفورمانىڭ كومەگىمەن كوروناۆيرۋسقا تالداۋ جاساۋ ءۇشىن ەڭ جاقىن زەرتحانالاردى تابۋعا بولادى. تەست ناتيجەسى QR كود تۇرىندە جىبەرىلىپ، ونى شەكارادا كورسەتۋ كەرەك.

سونداي-اق، ناتيجەلەر ءوزارا ىقپالداستىرىلعان اقپاراتتىق جۇيەگە ەنگىزىلەدى. بۇل قازاقستان ازاماتتارىنا رەسەي اۋماعىنا ارمەنيا، بەلارۋس جانە قىرعىزستاننىڭ اۋە وتكىزۋ تىرەكتەرى ارقىلى (ترانزيتپەن) كىرۋگە مۇمكىندىك بەرەدى.

«پۋتەشەستۆۋيۋ بەز Covid-19» قوسىمشاسىن پايدالانۋدىڭ ءتارتىبى مىنانداي: 
1. قوسىمشانى جۇكتەيسىز.
2. باعدارلاما ۇسىنعان تىزىمنەن ەڭ جاقىن زەرتحانانى تاڭدايسىز.
3. پتر-تەست تاپسىرعاننان كەيىن ناتيجەنى QR-كودتى (ونى زەرتحانا بەرەدى) سكانەرلەۋ ارقىلى «تەستتەر» بولىمىنە جۇكتەيسىز.