پرەمەر-مينيستردىڭ ورىنباسارى ەرالى توعجانوۆ ەلدەگى ەپيداحۋالدىڭ ناشارلاۋىنا بايلانىستى مەرەكەلەر مەن جيىنداردى توقتاتۋ كەرەكتىگىن ايتتى، دەپ حابارلادى Almaty-akshamy.kz
«بۇگىندە ەلدەگى قوعامدىق-ساياسي جاعداي تۇراقتالدى. قالپىنا كەلتىرۋ جۇمىستارى ءجۇرىپ جاتىر. الايدا كوروناۆيرۋس ىندەتى ءورشىپ بارادى. سوندىقتان ماسكا كيۋ، الەۋمەتتىك قاشىقتىقتى ساقتاۋ جانە ت.ب. الدىن الۋ شارالارىن قولدانۋ قاجەت. تويدى، جيىندى، وتباسىلىق مەرەكەلەردى، نەگىزسىز باسقوسۋدى، قىدىرۋدى ۋاقىتشا توقتاتۋ كەرەك! اۋرۋ ادامدار وقشاۋلانۋى كەرەك! بۇل – بۇگىنگى كۇننىڭ، بۇگىنگى جاعدايدىڭ تالابى! بۇل – اينالاداعى ءسىز جاقسى كورەتىن ادامدارعا ءقاۋىپ توندىرمەۋدىڭ جولى! بۇل – سانالى قوعامنىڭ ءار ازاماتىنىڭ موينىنا الاتىن جاۋاپكەرشىلىگى! اۋىرىپ ەم ىزدەگەنشە، اۋىرمايتىن جول ىزدەيىك، اعايىن! بارلىق قولدانىلىپ جاتقان شارالار حالقىمىزدىڭ دەنساۋلىعىن قورعاۋعا باعىتتالعانىن تاعى دا اتاپ وتەمىن. ءبىزدىڭ باقىتىمىزدىڭ وننان توعىزى دەنساۋلىعىمىزعا بايلانىستى. سوندىقتان، قۇرمەتتى قازاقستاندىقتار، سىزدەرگە جانە جاقىندارىڭىزعا دەنساۋلىق تىلەيمىن»، – دەدى ەرالى توعجانوۆ.