قىس - بۇكىل ورگانيزم ءۇشىن قيىن كەزەڭ. جارىق از، كۇن سۋىق، كەز كەلگەن اعزاڭ اۋرۋعا شالدىعۋى مۇمكىن، سونىڭ ىشىندە ءتىستىڭ دە اۋرۋى وسى ۋاقىتتا جيىلەپ كەتەدى، ويتكەنى جىل مەزگىلدەرىنىڭ اۋىسۋى ولارعا دا قاتتى اسەر ەتەدى.
قالاي دەيسىڭ بە؟ بۇل سۇراققا ءتىس دارىگەرى جاۋاپ بەرەدى.
ءتىستىڭ ساۋلىعىن ساقتاۋ ءۇشىن راسيونىمىزدا بولۋى كەرەك نەگىزگى ۆيتاميندەر مەن ميكروەلەمەنتتەر
قىستا اقۋىزعا باي تاعامداردى تۇتىنۋ ماڭىزدى، ويتكەنى اقۋىز تەك ءتىس پەن قىزىل يەكتى عانا ەمەس، بۇكىل دەنەنى قالپىنا كەلتىرۋ ءۇشىن قۇرىلىس ماتەريالى قىزمەتىن اتقارادى. كالسيي ەمال رەگەنەراسياسىنا ىقپال ەتەدى، مىرىش پەن انتيوكسيدانتتار اۋىز قۋىسىنداعى يممۋنيتەتتى نىعايتۋعا، ال فوسفور شىرىشتى قابىقتى قالپىنا كەلتىرۋگە كومەكتەسەدى.
ا توبىنداعى ۆيتاميندەر شىرىشتى قابىقتىڭ جانە يممۋنيتەتتىڭ كۇيىنە جاۋاپ بەرەدى، ءبىراق ولاردى مۇقيات تۇتىنۋ كەرەك، شامادان تىس تۇتىنۋ دا قىزىل يەكتىڭ پروبلەمالارىنا اكەلۋى مۇمكىن. س دارۋمەنى جەتىسپەسە، ءتىس قانايدى جانە ءتۇبى بوسايدى، سينگا سياقتى اۋرۋ پايدا بولۋى دا مۇمكىن. D دارۋمەنى ەمالدى قالپىنا كەلتىرۋگە ىقپال ەتەدى. ۆ دارۋمەنى ەپيتەليي ۇلپالارىن قالپىنا كەلتىرۋ ءۇشىن قاجەت. ومەگا-3 ماي قىشقىلدارىنىڭ ءتىس ساۋلىعى ءۇشىن دە ماڭىزى زور، سونىمەن قاتار پروبيوتيكتەردى تۇتىنۋ دا ماڭىزدى، ولار تىستەردى تازارتۋ جانە قورعاۋ ءۇشىن سىلەكەي شىعارۋعا ىقپال ەتەدى.
قانداي ازىقتاردى تۇتىنعان ءجون؟
ءارتۇرلى جانە قۇنارلى تاعامدى جەۋ كەرەك؛ تاماقتانۋ رەجيمىن ۇستانۋعا ۋاقىت جەتكىلىكسىز بولسا، ۆيتاميندەر قوسۋعا بولادى. تاماققا ءسۇت ونىمدەرىن كوبىرەك قوسۋ كەرەك: قانتسىز يوگۋرتتار، ال ءتاتتى نارسەنى قالاساڭىز، بال جەۋگە بولادى، ءبىراق ونىڭ اللەرگيا تۋدىرۋى مۇمكىن ەكەنىن ۇمىتپاڭىز. ىرىمشىكتەر مەن مايى از ءسۇتتى پايدالانۋ قاجەت. بۇل تاعامداردا كالسيي، اقۋىز جانە پروبيوتيكتەر كوپ.
كوك ءشوپتىڭ دە پايداسى كوپ: قىرىققابات، شپينات تومەن كالوريالى بولسا دا، دارۋمەندەر مەن مينەرالدارعا باي، بۇل تىستەردىڭ تابيعي قورعانىسى – سىلەكەيدىڭ پايدا بولۋىنا ىقپال ەتەدى. كوك ءشوپتىڭ قۇرامىندا كالسيي، فوليي قىشقىلى، ۆ دارۋمەندەرى كوپ، سالات جاپىراعىنان سمۋزي دايىنداۋعا دا بولادى – بۇل دا پايدالى.
سونداي-اق جۇرەكجالعاردى دا قاداعالاپ، تاتتىلەردىڭ ورنىنا الما جەۋ كەرەك: بىرىنشىدەن، ولاردىڭ قۇرامىندا كوپتەگەن پايدالى زاتتار، ا، س ۆيتاميندەرى بار، ەكىنشىدەن، الما جەۋ - تىستەردى مەحانيكالىق تازالاۋ. ويتكەنى، ءبىز نەعۇرلىم ءجيى تاماقتانساق، سوعۇرلىم ءجيى ءتىسىمىزدى تازالاپ، شايۋىمىز كەرەك.
قانتسىز كوك شاي جانە قارا شاي تىستەگى قاقتىڭ پايدا بولۋىن باياۋلاتادى، جاڭعاقتار دا پايدالى، ولاردا كالسيي مەن اقۋىز كوپ، ال كومىرسۋلار از.
كومىرسۋلاردىڭ مولشەرىن ازايتۋ كەرەك، اسىرەسە، تىسكە جابىساتىنداردان اۋلاق بولعان ءجون، مىسالى، شوكولادتار - تىسجەگى مەن باكتەريالار ءۇشىن تاپتىرماس قورەك كوزى. الما، ىرىمشىك، جاڭعاقتاردى جەڭىل تاعام رەتىندە، ال سۋسىن رەتىندە قانتسىز سۋدى قولدانعان دۇرىس، گازدالعان سۋسىنداردا ەمالدى بۇزاتىن قىشقىل بار. سۋدى كوپ ءىشۋ ماڭىزدى، ول قىزىل يەككە پايدالى، ءتىپتى اۋىزدان شىعاتىن جاعىمسىز ءيىستى دە كەتىرەدى.
قانتسىز ساعىزدى تاماق جەگەننەن كەيىن بىردەن شايناۋعا بولادى، ول سىلەكەيدىڭ پايدا بولۋىنا ىقپال ەتەدى جانە اۋىزداعى ءيىستى جاقسارتادى.
ۆيتامين تاپشىلىعىنىڭ بەلگىلەرى
فوليي قىشقىلى مەن تەمىردىڭ جەتىسپەۋشىلىگى قىزىل يەكتىڭ اۋرۋىمەن بايلانىستى جانە شىرىشتى قابىقتىڭ جۇمىسىنا اسەر ەتەدى. قورەكتىك زاتتاردىڭ جەتىسپەۋشىلىگى قىزىل يەكتىڭ قىزارۋى مەن قابىنۋىمەن، سونداي-اق ولاردىڭ قاناۋىمەن كورىنەدى، بۇل ا دارۋمەنى تاپشىلىعىمەن تۋىنداۋى مۇمكىن. تىستەردىڭ ءتۇبىنىڭ بوساۋى س ءۆيتامينىنىڭ ازايۋىنان پايدا بولادى، ال كالسيي مەن فوسفوردىڭ جەتىسپەۋشىلىگى ءتىس جەگىسىنىڭ دامۋىنا ودان ءارى ءتىستىڭ قۇرۋىنا اكەلەدى.
قىسقى سۋىق پەن جىل مەزگىلدەرىنىڭ اۋىسۋى ءتىس ساۋلىعىنا قالاي اسەر ەتەدى؟
قىستا دارۋمەندەر جەتىسپەيدى، كۇن سۋىتا باستاعاندا ءبىز جاڭا پىسكەن كوكونىستەردى، شوپتەردى، جەمىستەردى از تۇتىناتىن بولامىز. بەلگىلى ءبىر دارۋمەندەردىڭ، اتاپ ايتقاندا، D دارۋمەنى بىزگە جىل بويى جەتىسپەيدى. سونداي-اق، ءار ءتۇرلى ديەتالار، تاماقتانۋداعى قاتاڭ شەكتەۋلەر اۋىز قۋىسىنىڭ ساۋلىعىنا، شىرىشتى قابىقتىڭ جانە تىستەردىڭ كۇيىنە تەرىس اسەر ەتەدى. اۋا رايىنىڭ وزگەرۋىنە رەاكسيا تريگەمينالدى نيەۆرالگياعا ءتان، ناۋقاستار ءبىرىنشى كۇزگى سۋىقتىڭ باستالۋى كەزىندە-اق اۋىرسىنۋدىڭ اسقىنۋىن بايقايدى. سونداي-اق، سەرۋەندەۋ كەزىندە سۋىق اۋانى جۇتۋ سالدارىنان لور مۇشەلەرىنىڭ ءارتۇرلى اۋرۋلارى دا كۇشەيە تۇسەدى.