سالىق كولەمى 3 124،6 ملرد تەڭگەگە وسكەن.
2022 جىلعى 9 ايدا مەملەكەتتىك بيۋدجەتكە سالىق تۇسىمدەرى بويىنشا جوسپار 103،8% ورىندالدى. جوسپار بويىنشا 10 270،8 ملرد تەڭگە، 392،0 ملرد تەڭگەگە اسىرا ورىنداۋمەن 10 662،8 ملرد تەڭگە ناقتى ءتۇستى، دەپ حابارلايدى Almaty-akshamy.kz Baq.kz سىلتەمە جاساپ.
بۇل تۋرالى قم مەملەكەتتىك كىرىستەر كوميتەتى مالىمدەيدى.
وتكەن جىلعى ۇقساس كەزەڭمەن سالىستىرعاندا 1،4 ەسە نەمەسە 3 124،6 ملرد تەڭگەگە ءوستى، ونىڭ ىشىندە:
- رەسپۋبليكالىق بيۋدجەت 100،8% ورىندالدى (جوسپار بويىنشا 7 186،0 ملرد.تەڭگە، 54،8 ملر تەڭگەگە اسىرا ورىنداۋمەن 7 240،7 ملرد تەڭگە ءتۇستى)، وتكەن جىلعى ۇقساس كەزەڭىمەن سالىستىرعاندا 1،5 ەسە نەمەسە 2 320،2 ملرد تەڭگەگە ءوستى؛
- جەرگىلىكتى بيۋدجەت 110،9% ورىندالدى (جوسپار بويىنشا 3 084،8 ملرد تەڭگە، 337،2 ملرد تەڭگەگە اسىرا ورىنداۋمەن 3 422،1 ملرد تەڭگە ءتۇستى) 2021 جىلعى ۇقساس كەزەڭىمەن سالىستىرعاندا 30،7% نەمەسە 804،4 ملرد تەڭگەگە ءوستى.
2021 جىلعى ۇقساس كەزەڭىمەن سالىستىرعاندا رەسپۋبليكالىق بيۋدجەتكە تۇسىمدەردىڭ مۇنايعا سالىناتىن ەكسپورتتىق كەدەن باجدارى بويىنشا 1،7 ەسە، كورپوراتيۆتى تابىس سالىعى بويىنشا 1،6 ەسە، ءۇشىنشى ەلدەردەن يمپورتقا ققس 68،8%-عا، ىشكى ءوندىرىس تاۋارلارىنا ققس 45،5%-عا، پايدالى قازبالار وندىرىسىنە سالىناتىن سالىق 25،5%-عا جانە ەاەو ەلدەرىنەن يمپورتقا ققس 18،1%-عا ءوسۋى بايقالادى.
تۇسىمدەردىڭ وسۋىنە مىناداي فاكتورلار اسەر ەتتى.
2022 جىلى 9 ايدا وتكەن جىلعى ۇقساس كەزەڭمەن سالىستىرعاندا نەگىزگى ەكسپورتتىق پوزيسيالارعا، ونىڭ ىشىندە مۇنايعا 55،5%، مىرىشقا 26،4%، اليۋمينييگە 19،1%، التىنعا 1،3% جانە قورعاسىنعا 0،4% باعانىڭ ءوسۋى بايقالادى. شيكى مۇنايعا سالىناتىن كەدەندىك اكەتۋ باجىنىڭ مولشەرلەمەسى 46،8%-عا ءوستى (1 توننا ءۇشىن ورتاشا مولشەرلەمەسى 2021 جىلعى 9 ايىندا – 60،6$، 2022 جىلعى 9 ايىندا 1 توننا ءۇشىن – 88،9$).
اعىمداعى جىلعى 9 ايدا ءۇشىنشى ەلدەرمەن تاۋار اينالىمى 45،0%-عا ءوستى (ەكسپورت 52،1%-عا، يمپورت 28،7%-عا ءوستى).
وتكەن جىلعى ۇقساس كەزەڭىمەن سالىستىرعاندا 2022 جىلعى 9 ايدا وتكىزۋ بويىنشا اينالىم 23،6%-عا (83 165 ملرد تەڭگەدەن 102 800 ملرد تەڭگەگە دەيىن) ۇلعايدى.