زەينەت جاسىن تومەندەتۋ ماسەلەسى ارنايى جۇمىس توبىندا قارالىپ جاتىر.
ۇكىمەتتە ءدال وسى ماسەلەگە پرەمەر-مينيستردىڭ ورىنباسارى ەرالى توعجانوۆ جاۋاپتى، دەپ حابارلايدى Almaty-akshamy.kz
بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا زەينەت جاسىن تومەندەتۋگە قاتىستى ۇسىنىستاردىڭ قارجى مينيسترلىگىنە جىبەرىلگەنىن ايتقان. الايدا قارجى ءمينيسترى ەرۇلان جاماۋبايەۆ ءوزى باسقارىپ وتىرعان ۆەدومستۆودا بۇل ماسەلە قارالماعانىن مالىمدەدى
پرەمەر-مينيستردىڭ ورىنباسارى ەرالى توعجانوۆ زەينەت جاسىن تومەندەتۋ ماسەلەسى ارنايى جۇمىس توبىندا تالقىلانىپ جاتقانىن مالىمدەدى.
ايتا كەتەرى، بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا زەينەت جاسىن تومەندەتۋگە قاتىستى ۇسىنىستاردىڭ قارجى مينيسترلىگىنە جىبەرىلگەنىن ايتقان. ماماندار بارلىق ۇسىنىستى زەردەلەپ، ەسەپ-قيسابىن شىعارۋى ءتيىس.
الايدا ۇكىمەت باسشىسىنىڭ ورىنباسارى - قارجى ءمينيسترى ەرۇلان جاماۋبايەۆ ءوزى باسقارىپ وتىرعان ۆەدومستۆودا زەينەت جاسىن تومەندەتۋ ماسەلەسىنىڭ قارالماعانىن مالىمدەدى.
ۇكىمەتتە ءدال وسى ماسەلەگە پرەمەر-مينيستردىڭ ورىنباسارى ەرالى توعجانوۆ جاۋاپتى. ونىڭ ايتۋىنشا، زەينەت جاسىن تومەندەتۋ ماسەلەسى ارنايى جۇمىس توبىندا قارالىپ جاتىر.
«الەۋمەتتىك كودەكس اياسىندا بارلىق ۇسىنىس تالقىلانىپ جاتىر. سونىڭ ىشىندە زەينەت جاسىن تومەندەتۋ ماسەلەسى دە بار. جۇمىس توبى قۇرىلعان»، - دەدى توعجانوۆ جۋرناليستەرگە بەرگەن سۇحباتىندا.
وسى ورايدا ۆيسە-پرەمەر ايەلدەردىڭ زەينەت جاسىن تومەندەتۋ ماسەلەسى ارىپتەسىنىڭ قۇزىرەتىنە كىرمەيتىنىن ەسكە سالدى.
«ءيا، ول دا ۆيسە-پرەمەر، ءبىراق باسقا ماسەلەلەرگە جاۋاپ بەرەدى. وعان تىكەلەي مەن جاۋاپتىمىن»، - دەپ اتاپ كورسەتتى توعجانوۆ.
الايدا قارجى مينيسترلىگى دە زەينەت جاسىن تومەندەتۋ ماسەلەسىن تالقىلاۋعا قاتىسىپ وتىرادى. توعجانوۆ ارىپتەسى بىلمەيتىن نارسەنى وزىنەن سۇراۋعا كەڭەس بەردى.