تمد ەلدەرى اراسىنداعى 2023 جىلعى «جىلدىڭ ۇزدىك اۋەجايى» بايقاۋىنىڭ جەڭىمپازى بەلگىلى بولدى.
بۇل بايقاۋدى تمد ەلدەرى ازاماتتىق اۆياسياسىنىڭ اۋەجاي قاۋىمداستىعى جىل سايىن وتكىزەدى. بيىل رەسەي استاناسى ماسكەۋدە قاۋىمداستىق مۇشەلەرىنىڭ جىل سايىنعى ەسەپ بەرۋ كەزدەسۋىندە مينسك اۋەجايىنا بىلتىرعى جىلدىڭ قورىتىندىسى بويىنشا «تمد-داعى ۇزدىك اۋەجاي» كۋبوگى تابىس ەتىلدى، دەپ حابارلايدى Almaty-akshamy.kz.
بۇل تۋرالى اقپارات مينسك ۇلتتىق اۋەجايىنىڭ رەسمي سايتىندا جاريالاندى.
ايتا كەتەيىك، مينسك اۋەجايى ۇشاقتاردىڭ ۋاقتىلى ۇشۋى بويىنشا الەمدەگى توپ-5 اۋەجايدىڭ قاتارىنا كىرەدى. مۇندا ۇشۋ رەيستەرىنىڭ 92،35 پايىزى كەستەگە ساي ورىندالادى.