پارلامەنت سەناتىندا ءتيىستى كەلىسىم قابىلداندى
تمد ەلدەرى قارۋلى كۇشتەرىنىڭ گۋمانيتارلىق ميناسىزداندىرۋ مىندەتىن ورىنداۋ ءۇشىن بىرلەسكەن بولىمشە قۇرىلادى، دەپ حابارلايدى Almaty-akshamy.kz.
Qazaqtv.com سايتىنىڭ حابارلاۋىنشا، پارلامەنت سەناتىنىڭ جالپى وتىرىسىندا ءتيىستى كەلىسىم ماقۇلداندى. قۇجات ورتاق ينجەنەرلىك قۇرىلىمنىڭ مارتەبەسى مەن ەرەجەلەرىن جانە ونىڭ الداعى جۇمىس باعىتىن ايقىنداۋعا مۇمكىندىك بەرەدى. قازاقستاننىڭ قورعانىس ءمينيسترى ورىنباسارىنىڭ ايتۋىنشا، اسكەريلەر بىرلەسىپ مينا الاڭدارىن، نىسانداردى، جارىلۋ ءقاۋپى بار زاتتاردىڭ بولۋىنا تەحنيكالىق بارلاۋ جاساۋ، جاۋىنگەرلىك ءىس-قيمىل بولعان اۋدانداردى قاۋىپتەن ارىلتىپ، تازارتۋمەن اينالىساتىن بولادى.
«گۋمانيتارلىق ميناسىزداندىرۋ وپەراسيالارىنا قاتىسۋ ءۇشىن ۇلتتىق ينجەنەرلىك بولىمشەنى جىبەرۋ تۋرالى شەشىمدى جىبەرۋشى تاراپ ءوزىنىڭ ۇلتتىق زاڭناماسىنا سايكەس قابىلدايدى. كەلىسىمدە بىرلەسكەن بولىمشەنى تمد-عا قاتىسۋشى مەملەكەت بولىپ تابىلمايتىن مەملەكەت اۋماعىندا گۋمانيتارلىق ميناسىزداندىرۋ مىندەتتەرىن ورىنداۋعا تارتۋ مۇمكىندىگى كوزدەلگەن. قازاقستان رەسپۋبليكاسى بۇل ءىس-شارا تەك بۇۇ قاۋىپسىزدىك كەڭەسىنىڭ مانداتىنا سايكەس مۇمكىن دەپ سانايدى»، - دەيدى ق ر قورعانىس ءمينيسترىنىڭ ورىنباسارى دارىن تۇياقوۆ.