قازاقستانداعى ءماجىلىس جانە ءماسليحات دەپۋتاتتارىن سايلاۋ پروسەسىن تمد پارلامەنتارالىق اسسامبلەياسى اتىنان 61 بايقاۋشى قاراپ وتىر، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«وسى سايلاۋدى ۇيىمداستىرۋ جاعى جوعارى دەڭگەيدە ەكەنىن بايقادىق. ءبىز قازاقستانداعى سايلاۋعا كەلگەن سايىن، ەلدە وڭتايلى قادام جاسالىپ جاتقانىن سەنىممەن ايتامىز. بۇگىنگى سايلاۋدا دا جاقسى قورىتىندىنى جاريالايمىز دەپ ۇمىتتەنەمىن. ءبىز ساياسي پارتيالاردىڭ بارلىعىمەن تانىسىپ، كەزدەسۋ وتكىزدىك. سونىمەن قاتار وسى پروسەسكە ارالاسىپ جاتقان ساياسي قايراتكەرلەرمەن، ازاماتتارمەن كوپ سويلەستىك»، - دەدى تمد پارلامەنتارالىق اسسامبلەياسىنىڭ بايقاۋشىلار توبىنىڭ ۇيلەستىرۋشى ۆاگارشاك اكوبيان ەلورداداعى №110 سايلاۋ ۋچاسكەسىنە تىلشىلەر سۇراعىنا جاۋاپ بەرە وتىرىپ.
وسى ورايدا ول داۋىس بەرۋ زاڭ تالاپتارى اياسىندا ءوتىپ جاتقانىن ايتتى.
بۇدان بولەك، تمد پارلامەنتارالىق اسسامبلەياسى كەڭەسىنىڭ باس حاتشىسى دميتريي كوبيسكيي وسىعان دەيىن بايقاۋشىلار توبى الەمنىڭ ءبىرقاتار ەلىندە بولعانىن، وسى ورايدا قازاقستانعا تاجىريبەلى ماماندار كەلگەنىن ايتتى.
«ءبىزدىڭ قازاقستانداعى توبىمىزدا 61 ادام قامتىلعان. بۇل تۇرعىدا وبەكتيۆتى قورىتىندى جاساي الامىز. تاڭەرتەڭ ءبىز سايلاۋ ۋچاسكەلەرىنىڭ اشىلۋىنا باردىق. سايلاۋ ۋچاسكەلەرىندە داۋىس بەرۋ جانە داۋىستاردى ساناۋ اياقتالعانشا ءبىزدىڭ بايقاۋشىلار بولادى. قازاقستان ورتالىق سايلاۋ كوميسسياسى داۋىستاردى ساناعاننان كەيىن، ءبىز دە ءوز ءتيىستى مالىمدەمە جاسايمىز»، - دەدى د. كوبيسكيي.
بۇعان دەيىن حابارلاعانداي، تاڭداۋ جاساۋعا تۇيەمەن دە كەلىپ جاتىر.